Yasaqya 42:16 - NABUWWA KEE MALIKWA

¹⁶ Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 42:16 Referans Kwoze

Yasaqya 30:21

Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 40:4

Fayya kee ramma le baaxo saytunoowak missoowele. Qaleela kee koomaami inkih ramma axceleeh missoowele. Boodaada le'kke maraqtaay; xeet le'kke bacari akkele.

Yasaqya 32:3

Tohuk wadir inti le marak inti fakkiimele; ayti le marak ayti aabbele.

Yasaqya 29:18

Too ayro, kitab addal tanim ayti-mali aabbele. Inti-mali kaxxa diteh addak awqele; inti geele.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 45:2

YALLI Koorisik iyyamaa, «Gita anu innih koh bicseyyo; qaleela booxa koh abeyyo. Nacaasak bicsen afoofih alif butukku koh heeyyo; oson alifit tabtabbih heen biriita butukku koh heeyyo.

Yasaqya 35:5

Too saaku inti maleela inti geele; ayti maleela yab aabbele.

Hosiqa 2:14

YALLI kaadu qagseh iyyeemih, «Wadir woo elle sugte bacarik tan baaxo fan tet gacseyyo. Tokkel teetih liyoh an kacanu teetih warisu waa waqdi, yol aduurele.

Hosiqa 2:6

Tohih sabbatah keenan le daggek bicsen gasot tet heeyyo. Gititte gee wayta'gidih, xiseh an gasot tet alfeyyo.

Yasaqya 29:24

Too saaku yab ayti akak cule waak sugte hawri-maleela yaabat radele; bagi cubbi geelon. Kulli way ceele-wayto baahak suge mari meqem bartele» iyyah yan.

Yoosuwa 3:4

Isin a baaxo mataaxigaanaay gita oson sin aybulleelon. Takkay immay gexxan waqdi woo qahdih sandugul maxayyoowina. Woo sanduguk salaf le kabuk inki kiilomitrih gide akak exxeeray gexa» iyyen.

Yacedkel 14:23

Abba heem akah abeh meqe sabab too saaku yok aaxigetton. Tahat yabtam yoo YALLAY Mulki lehiyya» iyye.

Yasaqya 54:13

Ku addal tan ummatta abtu waytam innih ken barseyyooh, meqe manooy amaanah ken xiiniseyyo.

Yasaqya 41:3

Lakak ken yayraddeeh; sissikuk abah yan ardah, ibi baaxo kaak maxagaay mabiyaakitaay muquk gexa.

Yasaqya 26:7

«Numma le marih giti meqe. Qadaalatlow, qadli le marah, gita missossah, makok kaltah.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 41:17

«Tu maleela kee masaakiina yaaquben leeh goranat gacta'mmay mageyan. Katla keenik bakaarah kaffa 'te'mmay yoh seecan waqdi, too bakaarak yooy YALLAH yani ken wadele. Yooy Israayil doore Dagelta kinnihiyya gibdaabina kee gadaamal ken macaba.

Yasaqya 45:7

Dite kee ifu bicissem yoo. Barkat sinaamat haytaah, bala sinaamal rubtam yoo. Ah abtam yoo YALLA.

Yasaqya 52:12

A saaku gexot akah tasissikeenim manton; akak kuddaanam manton. YALLI isih foocat siinik gacca 'yeh sin beeleeh, kulli kabuk isih sin dacrisele.

Yasaqya 58:10

satqita marah isinni maaqo teceeniih xukkot yan mari faxam keenih abteenik, edde tanin dite siinik katta inteh laqoh innah yan ifi siinih gacele.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Qaamus 5:8

«Adal deqsitta cutuuka gintem YALLAAY; Malcino qaran bagul haytem kaa. Bartî lakal saaku gintaah, maaci lakal bar gintam kaa. Baddi lee qaran eyyeqqa hayteeh, wadir baaxol tet oobissam kaa. Cayla-leela bayissaah; reebuh lon gasoosa taggilem kaa. Toh YALLA kinnim ixiga.