Yasaqya 41:6 - NABUWWA KEE MALIKWA

⁶ Num, num keenik cata. Toobokoyti toobokoytak, ‹Agiru tik› 'yaanam iyya.

Yasaqya 41:6 Referans Kwoze

Yasaqya 44:12

Birtak-duyye-bicsa-mari birta beyya haah girat diyaayisa. Too waqdi too-diyaayise-birta, kay-gaba-le-qandek, maatakat yaatukeeh missoysaah yaqbuden ceelo akak bicsa. Too ceeloh bicsat bakar kee qulul kaa yabbixe waqdi, cawalah qande kaak gexxa.

Yasaqya 40:19

Gabak bicsen ceeloh innah, birtak aben ceeloh innah, dahabak yuskuten ceeloy lakqok yan birtak bicseeniih, silsilatat daabiseenih, inna malim Yalli, digga.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Yasaqya 41:5

«Allî-baaxoh mari anu abem yubleeh, too way cunxiteeh, axaxiteh. Sarra gaabowwa 'yeenih yemeeten.

Yasaqya 41:7

Gaba naggaarinna le num dahab bicsa numuh aytikuma yecee. Yaqbuden ceelo gabah orra heeh yaysororooce num, bismaarat aatakuk tittat xakbisa numuk, ‹Meqe'nnal abtah tanik tama'nnal ab› 'yaanam iyya. Woo yaqbuden ceelo rade wayta'gidih, soolisaanaah bismaarat xakbisan.