Yasaqya 41:29 - NABUWWA KEE MALIKWA

²⁹ Cubbussa hayteenik, tah deedala'kkal tanim hinna. Too duyye abtam mali. Deedalaay baditi'kkal tuxxiq lem hinna.»

Yasaqya 41:29 Referans Kwoze

Ermiyaas 5:13

Nabuwwa ufuyuk kiben karbatik gide ikkal, xiqaanam malonuuy, Yallak baahan farmo malon. Oson iyyeenim keenit takku waytaama» iyyen.

Yasaqya 41:24

Cubbussa hayteenik, Yallah liton duyyeey, is tuh tanim hinna; tu abtu madudda. Ken dooritak yaqbude mari umâ-yabulih tanim yekke.

Cabakkuk 2:18

A xeet kee cooxuy taqbudeeni maca siinih xiqtaah? Tet le marah mannah tanim xiqta? Ah sahdayti isi gabak bicseemi'kkal tu siinih xiqtam hinnaay, deedalak sa akak geytaanam manton. Yaqbuden duyye bicse mari, isi gabat bicseemiy afak yaabe waytahiyyal yaamineh!

Makaabon 18:17

Sarrak a koona num qari culeeniih, taaxige ceeloy lakqok bicseenihiyya kee, wohuk kalah tan duyye yaqbudeenihiyya kee rikeek tan saroy sek haysita gabat luk yewqen. Sek too waqdi qari-afal too qaskar luk raaqe.

1 Samuwel 12:21

Gabak bicsen duyyey tu akke waytaah tu xiqe sinnihiyya maqbudina. Tu xiqe wayta duyye, umaane siinit takke way, siinih xiqtam mali.

Yasaqya 2:8

Ken baaxol xeet kee cooxuk bicsen duyyeeyay yaqbudeeni kibuk tan. Too duyyey isinni gabak bicseenihiyya yaqbudeenih, gabat oren duyyeh gomboh radan.

Yasaqya 17:8

Isinni gabak bicsen aroocay sadgat elle abaanahiyyal kibaal haak maraaqan. Tonnah kaadu Aseera deqsittaamay yaqbudeenihiyyah astah heenih sugen gurumuuda kee, qaydarus elle qeerisan aroocal kibaal haak maraaqan.

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Yasaqya 46:7

Gexan ikke yelleenik, quukah sunkul beyan. Aracak teenal oobissa haanaah sooliseenih caban. Elle soolisen ikkek tangayyeeh rooci lem hinnaay, gaba tet esgeyya haytam fanah, elle soolisen ikkel elle sugta. Too waqdi, ‹Yoo cateey yoo wadeey! Koo aleelitek› axcuk dooqa foocal akak aban! Too duyye taabbeeh tuk teena elle gacissam hinna.

Zakariyya 10:2

Duyye kallactaanam tu matanfiqa. Faal qida mara tu esserten waqdi, too mari siinil yaceem diraaba. «Nuble soonoh maqna siinih warsennok aytikuma» siinik iyya mari kaadu yeceem deedalaay, sahda gitak makot beyan. Tohuk gexxaamah ummat, baye illih innah, finqat tan. Abbay ken miraacisa maloonuuy, edde yaniinim gadaamah adda.