Yasaqya 41:18 - NABUWWA KEE MALIKWA

¹⁸ Bakarroytah sugte koomaamik lee darah akah obta innah abeyyo. Goloolak buyyitte darah oobiseyyo. Bacarih sugte baaxo illalta abeyyo. Buyyittek caxitte lee kafinuk sugte baaxol darah oobele.

Yasaqya 41:18 Referans Kwoze

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Yasaqya 30:25

Sin naqboytiitit kaxxa sugudi yakku waah, ken kaxxa megdebwa taddigillu wayta saaku, kulli qaleela kee koomaamik lee darah oobele.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Zakariyya 14:8

Taham takku wayta ayro, Yarusalaamak addal sila le lee darah innah caxitele. Too leek garab Rabe Bad deqsita bad fan caxitele. Aki garab Maditraaniyah Badat angalele. A lee cagayaay, karma, way mataggiriqay darah oobele.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 12:3

Xamcin leey, sillaateh tanik yooqobe num ruffo geya. Yallih wadu geytan waqdi, isin tonnah ruffu axcetton.

Yasaqya 48:21

YALLI isi ummatta bakarroytay lee sinnihiyyal bee saaku, bakaariti ken mahanna. Lee xixxaqak baguk keenih yeyyeeqe. Xixxaq namma ikkel heeh, too waqdi lee akak tewqe.

Yasaqya 33:21

YALLAY Misliino le tokkel ni amo wagtele. Mango weeqaytuy darah gexahiyya le magaala akkele. Takkay immay kaxxa maraakib elle magexa.

Yasaqya 35:1

Bacarih tan baaxoy bakarroytah tanihiyya ruffu axcele. Lee sinniih qayso sinni bacarih tan baaxo agda akkele. Birro kulli ikkel aabukeleeh, wir axcele.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Makaabon 15:19

Tohuk lakal Yalli Laci deqsita aracal baaxo boohayseeh tokkek lee tewqe. Samsoon too leek yooqobeeh, too waqdi nagay yekke. Too buyyik migaaqah Qen-Cakkoore 'yaanam iyyen. Woo buyyi uxih Laci deqsita aracal elle yan.