Yasaqya 41:17 - NABUWWA KEE MALIKWA

¹⁷ «Tu maleela kee masaakiina yaaquben leeh goranat gacta'mmay mageyan. Katla keenik bakaarah kaffa 'te'mmay yoh seecan waqdi, too bakaarak yooy YALLAH yani ken wadele. Yooy Israayil doore Dagelta kinnihiyya gibdaabina kee gadaamal ken macaba.

Yasaqya 41:17 Referans Kwoze

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Yasaqya 66:2

Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Yasaqya 43:20

Dubaali yoo assakaxxeleeh, wakri kee inin yi assakaxxiyyat gacele. Yoo akah yassakaxxoonu waanam, bacarih tan baaxo lee abeyyooh, Israayil maray innih dooriteh bakarroyta le baaxooxal daroori abeyyo.

Yasaqya 48:21

YALLI isi ummatta bakarroytay lee sinnihiyyal bee saaku, bakaariti ken mahanna. Lee xixxaqak baguk keenih yeyyeeqe. Xixxaq namma ikkel heeh, too waqdi lee akak tewqe.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Yasaqya 65:24

Dooqa kee kallacit anih faxeenim keenih abeyyo.

Yacedkel 47:8

Too waqdi yok iyyeemih, «A weeqayti ayrô-mawqa le kabuuk addah Ordon weeqaytu fan ooba. Tokkeek Rabe Bad deqsita bad fanah ooba. Rabe Bad fanah ooba waqdi, woo bad luk sugeh yan qasbo cabaah badliitah maraaqa.

1 Malikwa 17:8

Sarrak YALLIH qangara kaal obteh, kaak iyyemii,

2 Aydaad 6:17

Tonna kinnuk, Israayil ummatta doore Dageltaw, atu inxicca 'teeh yi abba Dawuduy ku naqasuh sugehiyyah culte xagni ku gabat dudda geyay.

Ermiyaas 31:25

Qamal-malit qande heeyyooh, qulul le num cayiseyyo» 'yaanam yok iyye.