Yasaqya 41:13 - NABUWWA KEE MALIKWA

¹³ Macaay inteenik, yoo YALLAY sin Dagelta kinnihiyya qande siinit haah, ‹Mameysitina. Sin cateyyok› siinik axce» iyye.

Yasaqya 41:13 Referans Kwoze

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 45:1

YALLI, Kooris malik yakke'gidih doore. Ummattak qeebil yayse num yakke'gidih, kaa doore. Amoytittek tikiya kala'gidih, kaa ruube. YALLI, magaalah afoofi kaah fakeleeh, alifut tan afa kaah masugta.

Yasaqya 43:6

Kiblat le kabu marak, ‹Ken maxaginay gexoonay ken inxica› axceyyo. Gabbi-qaxat raaqa marak, ‹Gexe ken makalina› axceyyo. Inni xaylo xer-baaxoy elle yaniinik gacseyyo.

Yasaqya 51:18

Gita sin yaybulle mari mayana; sin marih addat gabal sin yibbixeh sin beya mari mayana.

Ermiyaas 30:10

«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.

Ermiyaas 46:27

«Yaqkuub xayloy, yi naqoosay, mameysitina. Israayil ummatey, niya siinik addigille waytay. Ama xer baaxoy elle taniinik sin ayyaaqeyyo. Casbi gurral elle tanin baaxok siinik radu waa mara ayyaaqeyyo. Isinni baaxo aduurettoonuuh, amaanah sin xiiniseyyo. Num sin maxagaay sin mameysiisa.

Caggay 2:5

Masrik tewqen saaku sin lih an 'yaanam siinik exceh sugeeh; tokkeey akke sin lih anik mameysitina. Toh siinik intam yooy YALLAY Nabaamak Nabahiyya› keenik inxic» iyye.