Yasaqya 41:11 - NABUWWA KEE MALIKWA

¹¹ «Sin niqba mari nasri wayya heeh, wacarriy ken abbixelem digga. Sin biyaakah ugte mari bayeleeh suge weeh innah gacele.

Yasaqya 41:11 Referans Kwoze

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

Yasaqya 54:17

Tonna'mmay faxe silac kol baahu waam mali. Koo akah istikiyya hannaanimil, gacissu waytam geetto. Inni naqoosah acayu waam, tamah teeti. Anu keenih acee cakkik tanim, tamah teeti» 'yaanam iyya. Tamah YALLI iyyaama.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 41:29

Cubbussa hayteenik, tah deedala'kkal tanim hinna. Too duyye abtam mali. Deedalaay baditi'kkal tuxxiq lem hinna.»

Yasaqya 29:8

Satqite numuy soonot maaqok cayyehiyyah bis le. Woo num xiinik ugta waqdi, woo cayi edde abem soonok sugta. Bakaarite numuy soonot leek cayyehiyyah bis le. Woo num woo xiinik uguta waqdi, woo bakaarat edde suga. Mango maray mango baaxok yemeeteh Siyon-qalet qeebi abu waahiyyat, takku waytam tamaha.

Yasaqya 41:24

Cubbussa hayteenik, Yallah liton duyyeey, is tuh tanim hinna; tu abtu madudda. Ken dooritak yaqbude mari umâ-yabulih tanim yekke.

Yasaqya 40:17

Yallih garil doolatwa inkih, tu hinna, tuh ken mayabla.

Yasaqya 17:13

Doolatwa baddi haffoh innah habbuy inta. Takkay immay Yalli ken yassacakku waa waqdi, qaleh amok caacay baahe siisah innah, wadir gacelon. Silayti baahe caffih innah wadir aduurelon.

Yasaqya 29:5

«Takkay immay mango naqboytiitiy kot qeebi abahiyya siisa akkele. Koh racmate waa mari caffay caaco beyte akkele» iyye. Tah sissikuk takku waytaama.

Yasaqya 29:7

Mango baaxoh maray qeebi siinit abuh maro siinit heehiyya, siinil bar tublen soono akkele.

Yasaqya 34:12

Teetil sugte abbobti bayeleeh elle reedaanam maraqta.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 54:15

Qeebi kot abu waa mari yi amrik kot abem madeqsita; qeebi kot abu waa mari ku gubah gacele.

Ermiyaas 2:3

Woo saaku, Israayil maraw, yi marak sugteeniih, yok sah taaxigeenim luk masuginniton. Tonna leemiik taahirik yan marah sugten. Siinil umam baahinnaan maral biyak kee dalka ruubak suge. Tah siinik intam yoo YALLA› yok iyye».

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Ermiyaas 12:17

Takkay immay faxe ikkekiiy yanoonay yi yab cineenik, ragidiik ken bayseyyo. Tah intam yoo YALLA» iyye.