Yasaqya 40:6 - NABUWWA KEE MALIKWA

⁶ Allak qangara yol radde, «Farmo tanik waris» inte. Woo yaabal qangara gacse; «Maca axcoo? Maa farmo qidoo?» 'yaanam axcuk elle gacse. «Axcettoomu, warsettoomu: ‹Baaxol yooboke qobooru sahdayti kinnih, 'kah yanim; kay nabna qoboorih gide.

Yasaqya 40:6 Referans Kwoze

Yasaqya 58:1

YALLI iyyaamah, «Anay fayya haay! Baantah innah kaayey! Yaqkuubuk rade maray yi mara kinnihiyyak, ‹Yalla cinteenih dambit assen› inxic.

Ermiyaas 31:6

Qibaadâ-Qari dacrisa mari Efrayim qaleelah amook deero abeleeh, ‹Annah nel amey; YALLAY ni Dageltah yani naqbude'gidih, Siyon qale fan nee beya› 'yaanam axcuk, sinaamah deero edde aboonu waan wakti amaatele» 'yaanam iyye.

Ermiyaas 2:2

« ‹Away kol ruuba farmo Yarusalaam-magaala gexxa 'xicay ummat elle tani'kkel keenih waris› yok iyye. Sarrak too farmo yoh warseeh yok iyyemii, ‹Bar qunxuk tenen saaku, imaanak yol luk teneenih gide siinik aaxigeeh, qibna baqalah kacanuh tassalle inna, yoh assalluk tenen. Bacarih tan baaxoy tu elle aabuke waytahiyyal foocat siinik gacca exceh sin elle beyaamal yoo macininnitoonuy yoo katayak sugten.

Yasaqya 40:3

Allak radda xongolo tan; «Bacarih tan baaxol YALLAH gita missoysaay bicisa. Ni Goyti akak yamaate'gid, sinam elle dago baaxol edde yamaatu waa gita makok gacisaay bicisa.

Yasaqya 37:27

Wokkel dabaaqah suge mari cayla luk masuginnon. Tohuk gexxaamah woo mari wariggiteeh gahangahiteh. Gubbil tooboke qaysoy kaftehiyya yekken. Qari-amol tooboke qaysoy laqaymumtehiyya yekken.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Hosiqa 5:8

Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!

Yasaqya 51:12

YALLI iyyemii, «Niya siinit haytam yoo kinni way, sahdaytuy rabah yoobokeeh qaysok maqarah ayse waahiyyak macah meysittan?

Zakariyya 1:14

Too malaykatti, «A farmo ummatat qid» yok iyye. «YALLAY Nabaamak Nabahiyya siinik iyyaamah: ‹Anu Yarusalaam kee Siyon qaley teetil tani afqadook kiciyyooh; teetit umam takkem yoo biyaktah.