Yasaqya 40:4 - NABUWWA KEE MALIKWA

⁴ Fayya kee ramma le baaxo saytunoowak missoowele. Qaleela kee koomaami inkih ramma axceleeh missoowele. Boodaada le'kke maraqtaay; xeet le'kke bacari akkele.

Yasaqya 40:4 Referans Kwoze

Yacedkel 21:26

YALLAY Mulki lehiyya iyyaamah, ‹Qumaamat kal. Dardaarinni kalabta kal. Ahaysa dumih inni gaba kaleh; masaakiina abbootan geeleeh; abbobtih suge mari gaca mara akkelon.

Yasaqya 45:2

YALLI Koorisik iyyamaa, «Gita anu innih koh bicseyyo; qaleela booxa koh abeyyo. Nacaasak bicsen afoofih alif butukku koh heeyyo; oson alifit tabtabbih heen biriita butukku koh heeyyo.

Yacedkel 17:24

Baaxol yan coox inkih YALLA kinniyom yok aaxigele. Xer caxa targiqeeh; ux caxa tayxeerem yoo. Anxaxinuk sugte caxa kafsaah; kafinuk sugte caxa anxaxxoosem yoo. Tahat yabtam yoo YALLA. Abeyyo excem aba Dagelta kinniyo» iyye.

1 Samuwel 2:8

Baacoytiitih suge mara caysah tu maleela gaddalisah. Malik xaylot ken missoysa; kaxxa marat ken missoysa. Baaxo elle tan rakiibo YALLIH imi; baad woo rakiiboh-bagul xise.

Yasaqya 42:11

Bacari kee bacarih tan baaxol tan magaaloolih maraw, YALLA faylisa. Keedarah yooboke mari YALLA faylisaama. Silaq deqsitta magaalal yan mari qililisak kaa faylisay; qaleelah amol gacca 'yeenih kaa faylisoonay.

Yasaqya 40:3

Allak radda xongolo tan; «Bacarih tan baaxol YALLAH gita missoysaay bicisa. Ni Goyti akak yamaate'gid, sinam elle dago baaxol edde yamaatu waa gita makok gacisaay bicisa.

Yasaqya 40:5

YALLI le nabna kee migaq, ambulleeleeh, qaddoowele; ummat inkih tet ablele. Taham YALLI isih iyyeemi; dumaak xagna akah culeemi» 'yaanam inte ta xongolo.

Yasaqya 49:11

Inkih yan inni qaleela booxa abeyyo; yi ummattah edde gexan gita bicseyyo.

Zakariyya 4:7

Qaleh innah kaxxaamay gibdaabina lehiyya kol xabbacooseyyo. Yi Qibaadah Qari atu xisetto. Qari xisnek gaba kaltuh ellecabô-xaa haytu wayta saaku, ummat anay fayya haak farcatah, ‹YALLIH maqaane a qaril tanay!› axcelon, 'yaanam kaak inxic» yok iyye.

Yasaqya 62:10

Magaalah afoofik eweqa; magaala fan yaduure marah gita bicisa. Gita nagay bicisaay xeet akak kala. Asta-yakku-waa-qalam baadal-tan-ummattah haysita.