Yasaqya 40:24 - NABUWWA KEE MALIKWA

²⁴ Ubukka 'teh cabaaritte, qunxa caxah gide kinnon. Yalli caaco ruuba waqdi, qunxa caxa cabaarittah; kaffa karacca 'tah rabtah. Baaxoh abbobti too gide. Caaco beyta caffa yakken.

Yasaqya 40:24 Referans Kwoze

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Ermiyaas 23:19

YALLIH naqbi mermeritta-caacoh gideey; umeynit baysele.

Yasaqya 17:13

Doolatwa baddi haffoh innah habbuy inta. Takkay immay Yalli ken yassacakku waa waqdi, qaleh amok caacay baahe siisah innah, wadir gacelon. Silayti baahe caffih innah wadir aduurelon.

Zakariyya 9:14

YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.

Caggay 1:9

Tohuk kalah kaadu keenik iyyeemih: «Tubquren baaxok mango daro geettoonum tekkeleeni'mmay, dago daro siinih orobte. Geyteenim buxah orbissaanam tekkelen way caacayat siinik ruube. Toh siinik akah abem maca siinit celtaa? Yi qari abuuruh garil siinik yaniih, isin isinni qarwah bicsah agxittaanam siinik ubleeh; toh siinik uble waqdi, tamah siinil baahe.

Naacum 1:14

YALLI Assuuriyah-marih giddinaamak edde yaabeemih: «Migaaqat keenik elle yaaban xaylo keenik maraqta. Ken qibaadah bicsen qarwal tan Yalla akak iyyan duyye keenik bayseyyo. Assuuriyah marah kabrih bicsat an. A addunyah mano keenih mataguuda» iyye.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Hosiqa 13:3

Tohih sabbatah ta mari, saaku maacisa naafu kee qubul ayro tewqek wadir elle baata'nnal, bayelon. Anfiyan daroh caffa caacay elle beya innal qellitelon. Girak yawqe qer elle baya innal bayelon.

Ermiyaas 22:30

YALLI iyyam ah teeti: «A num xale xaylo, xale weeh gide. Abba heem gabal kaak mabicta. Yuudâ-baaxol Dawud qarkayto nagra samad kaak maraaqa. Tahat yabtam yoo YALLA» 'yaanam iyye.

Yasaqya 40:7

YALLI caaco ruuba waqdi, qayso laqaymumtah kafta; qobor kafah baaxol rada. Sahdayti tohuk mayaysaay; too gideey tohuk mayaysa.

Yasaqya 37:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

Yasaqya 17:11

Woo coox daabissen ayrok ciggilta ayrot yambeeh qobor baaha way, akak orbissaanam manton. Takkay immay gadaama kee akak ure waan biyak siinih baahele.

Yasaqya 11:4

Masaakiinah cakkik-yan-cokmi ackumele. Tu-maleelah cakkik-tan-mekla abele. Iyyem akke leh: digaala elle amrise mari diggalsimeleeh umeynit ambaxele.

2 Malikwa 10:11

Tohuk lakal, Yaahu, Acabak raqqa 'ye ramad le maray Yidraqel magaalal yenehiyya kee, kay xintoh miracwaay kay kataysis kee kay seekak num macabinnay inkih qideh.

2 Samuwel 22:16

YALLI bagcarriteeh, naqboytit yinqibe. Bad elle suge'kke, booxa tekkeh raqte. Baaxo korte waqdi, makra gubbil raqte.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 41:2

«Qeebil yaysu waa num ayrô-mawqa le kabuk bahtem iyyaay? Isi taama aba'gidih, qadaalatat kaa bahtem iyyaay? Amoytit kee ummatak iisa kaa geysissem Yalla. Qeebil seefit ken selele. Caaco caffa duufut elle beyta'nnal, siisa ken abeleeh; gaysê-baxat ken selele.