Yasaqya 40:19 - NABUWWA KEE MALIKWA

¹⁹ Gabak bicsen ceeloh innah, birtak aben ceeloh innah, dahabak yuskuten ceeloy lakqok yan birtak bicseeniih, silsilatat daabiseenih, inna malim Yalli, digga.

Yasaqya 40:19 Referans Kwoze

Ermiyaas 10:9

Galdaddaqin lakqo Isbaaniyah rasuk baahaanaah; dahab kaadu Uufad deqsitta baaxok baahan. Tonnal gabâ-naggaarinna le mari, lakqo kee dahab kee cooxuk yalla-'yeenih-yaqbuden-duyye bicsan. Sari cixxa yaaxige mari kuclinan kee qasdiimin sara bicissa heenih sartanah edde haan. Too duyyey yaqbudeenihiyya inkih bicissam, gabâ naggaarinna le mara.

Makaabon 17:4

Takkay immay usuk beeh suge taaxige lakqo inal gacse. Kay ina woo lakqok namma boolih garsi beyya hayteeh, lakqok duyye bicsa naggaaral tecee. Too num woo lakqok yaqbuden duyyeeya bicse. Sarrak too duyyeeyay yaqbudeenihiyya Miika buxal heen.

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Yasaqya 2:20

Too ayro dahab kee lakqok bicsen duyyey yalla 'yeenih aqbuduk sugeenihiyya baaxot qideloonuuh; woo duyye elle qiden arac gablâ-kimbir kee hantuuti-dabqi akkele.

Yasaqya 2:8

Ken baaxol xeet kee cooxuk bicsen duyyeeyay yaqbudeeni kibuk tan. Too duyyey isinni gabak bicseenihiyya yaqbudeenih, gabat oren duyyeh gomboh radan.

Yasaqya 30:22

Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

Daaniyel 5:4

Oson woo qinabak bicsen kamri yooqoben waqdi, Yallih aftoh lon duyyey dahab kee lakqooy nacaas kee birtaay xeet kee cooxuk bicseenihiyyah saare aben.