Yasaqya 40:10 - NABUWWA KEE MALIKWA

¹⁰ «YALLAY Mulki le yamaateh, baaxo isi caylat xiinisuh, mamaatat yan, yamaateh yan; isi galto luk yamaate. Isi-ummatay isih wade, gabat baahak, yamaateh yan.

Yasaqya 40:10 Referans Kwoze

Yasaqya 62:11

Macaay inteenik, YALLI baadal tan ummatak inkih iyyeemih; «Siyoonuk, ‹Ubuley, koo wadu waa num yamaateh yan› inxica. ‹Isi galto luk yamaate. Isi-ummatay isih wade, gabat luk yamaateh yan› 'yaanam axcuk teetik inxica» iyye.

Yasaqya 49:4

Anu yaabeh, annah exce, «Taamiteh immay, yi taama, foyya tekkeeh, boolatteh tan. Dudda haam akah taqbe'mmay, bicsem mayyu; duudem mayyu. Yot tekkeemih yi Dagelti yoh hawselem kaak aaxigeh. Anu edde aseeh abe taamal, kay galto geeyyom digga le. YALLA akah aaminem tohu.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

Yasaqya 53:12

Saraf kee migaq le reeda, kaah eceeh, kayim abeyyo; mango ummat kee sahdah addat yassakaxxen num kaa abeyyo. Cayla-leela fanat kaadu cayla-liiy celem kaa abeyyo. Toh inkih kaah akah abem: isi fayxiik isi rooci calaaliseeh, fidah yecee; umeynittet loowoh gace. Umeynit edde asse dambi isi amol hayya heeh beeh yen. ‹Yallaw, qafu keenih inxic›, 'yaanam axcuk yoo kallace» 'yaanam YALLI iyye.

Malaaki 3:1

YALLAY Nabaamak Nabahiyya siinik iyyaamah, «Gita yoh bicsa'gidih, inni farmoyta ruubeyyo. Tohuk lakal isin faxak sugten YALLI garciik isi Qibaadah-Qari amaatele. Isin assexeeruk sugten farmoytay yi qahdit yaabu waahiyya amaatelem digga le.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Yasaqya 59:18

Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.

Yasaqya 63:5

Wagteh immay, ahamal yoo cata mari ane waam uble waqdi, yol hagga tekke. Tonna leemiik yi naqbi maqar yot heeh, inni gabat iisa innih orbise.

Ermiyaas 31:16

Raaceley, ahaysa maweeqinay ximo isik dug. Atu isi xayloh abteemih galto gee'kal maraqtak ximo isik dug. Away elle yanin naqboytiitih keenik yan marih baaxok awqelon.