Yasaqya 39:7 - NABUWWA KEE MALIKWA

⁷ Ku abuusay kok radehiyya seewah beeloonuuh; ken seelabba heenih Baabelon-malikih gasoh addal ken tamsiiselon.› Taham intam YALLA» kaak iyye.

Yasaqya 39:7 Referans Kwoze

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

Ermiyaas 39:7

Tohuk gaba kalla hee waqdi, namma inti kaak yeyyeqsiiseeh, sarrak Baabelon-rasu fan kaa beyaana'gidih, silsilatat uxuyya kaa hee.

2 Aydaad 36:20

Rabak raaqe mara Baabelon rasu fan seewah orbiseeh; tokkel Fursi-malik reedda 'yam fanah, Baabelon malik kee kay marih gubal ken akdamuk sugen.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Malikwa 24:15

Yahoyaasin kee kay inaay kay agabuuy kay gubal doolat abbobtih yen mara kee Yuudal abbobtih yen marih agantah inkih seewah Yarusalaamak Baabelon fanah bee.

2 Malikwa 24:10

Usuk malikih yen dabaanal, Baabelon-qaskar Yarusalaam fan gaaduh gexxeeh magaalat maro hayte. Too gaadu absissem, Baabelon-malikik teneeh; gabat akak absiisem, kay qaskar abbobtih yen marak ten.