Yasaqya 39:6 - NABUWWA KEE MALIKWA

⁶ ‹Ku qarit duyyek enna 'tam kee, ku kaxxa abbobti a saaku fan gaabosse duyye inkih, Baabelon fan edde weeroonu waan wakti xayyooweeh; caboonu waanam malon.

Yasaqya 39:6 Referans Kwoze

2 Malikwa 24:13

YALLI dumaak akah iyyeh suge innah, YALLIH Qibaadah-Qaril sugga 'te duyye kee malik-qarih-addal sugga 'te duyyek tu macabinnay weerra heeh bee. Duma Malik-Suleeman YALLIH Qibaadah-Qarih-addal heeh suge dahabak bicsen duyyek tu macabinnay iggillaay weerra heeh bee.

Ermiyaas 20:5

Oson buxal luk suggu 'yeenimiy edderra heenik tu macabaanay, inkih keenik beelon. Buxal luk suggu 'yen duyyek tu macabaanay keenik buubelon. Yuudâ-malikwa buxah addal luk sugte duyye inkih, kaadu isinni baaxo fan keenik beelon.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

2 Aydaad 36:18

A malik Qibaadâ-Qarih addal sugte duyye kee, a qarik makaadanal sugte duyye kee, malik Xidkiyah buxal sugte edderra heemik tu macabinnay dannabah Baabelon fan orbise. Kay gubal sugte doolat abbobtih buxaaxi kaadu buubeeh, tonnah kaadu dannabah bee.

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

Yacedkel 23:26

Xagaral lito sara kok kalelon. Xagarat bilqah haysitte bila kok kalelon.

Daaniyel 1:3

Sarrak malik kay gubal taamita Asfanad deqsita numuk iyyeemih, «Gexay ama Israayil maray seewah gabat bahneh addak, malik nasab le furrayna kee muddaqih tan furrayna dooray bah.