Yasaqya 39:3 - NABUWWA KEE MALIKWA

³ Sarrak nabi-Yasaqya Malik-Ciskiyyaahu fan yemeeteeh, kaak iyyemii, «Too mari akak yemeetem ankeey, kok iyyeenim macaay?» kaak iyye. Ciskiyyaahu iyyemii, «A mari yi fan akak yemeetem, xer baaxoy Baabelon deqsittahiyya» iyye.

Yasaqya 39:3 Referans Kwoze

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

2 Aydaad 16:7

Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

2 Samuwel 12:1

YALLI, Dawud abem yinqibeemih sabbatah, nabi Naatan kaa fan ruube. Naatan kaa fan yemeeteh, kaak iyyemii, «Namma num inki magaalal tene iyyen. Numuk teeni keenik gaddalih yeneeh, akitti baacoytak yene iyyen.

Yasaqya 38:5

YALLI kaak iyyemii, «Ciskiyyaahu fanah gexay kaak intamaa, YALLAY ku kaxxa abbah yan Dawuduk Dagelta kinnihiyya, ‹Atu abte dooqa kok oobbeeh, namma intik caxxe ximo kok uble. Tohuk gexxaamah taban kee koona sanat qumrik koh osisah an. Ahak sarra taban kee koona sanat sugetto.

Yasaqya 38:1

Toh edde tekke uddurut, Malik Ciskiyyaahu kaxxa biyaakah biyaakite. Rabi kaat xayyooweh suge. Amox-baxi-nabi-Yasaqya kaal yemeeteeh kaak iyyemii, «YALLI, ‹Ahaysa rabi kot xayiih; ama lakimak murta'mmay, buxâ-mara farriimitay cab› kok iyyah yan» 'yaanam kaak iyye.

2 Aydaad 25:15

Taham YALLIH naqabu kaah bahte. Tonna-leemiik YALLI nabi kaa fan ruube. Too nabi kaal yemeete waqdi, kaak iyyeemihii, «Ta duyyey elle gexxe baaxoh mari aqbuduk sugehiyya yaqbudeenimit koo bahtem macaa? Aham tu xiqta way, le maray aqbuduk sugehiyya wadak ten kaak; koo tahat asissem macaa?» kaak iyye.

Yoosuwa 9:9

Oson too waqdi kaak iyyeenimii, «Nanu YALLAY sin Dagelta kinnihiyyah xaagu noobbeh xer ikkek nemeete. YALLI Masril abba heem inkih noobbeh.

Yoosuwa 9:6

Sarrak Yoosuwa elle yinfiddige ikke fan yemeeteeniih; tokkel Yoosuwa kee Israayil marak iyyeenimih, «Xer baaxok yemeete mara kinninooh, qalla siinit haysinnam fanxa» keenik iyyen.

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

Yasaqya 39:4

Yasaqya, «Hay ku qarih addal abaluk sugeenim macaa?» kaak iyye. Too waqdi Ciskiyyaahu, «Yi qarih addal tanim inkih yubleeniih; duyye edde daanah haan makaadanih addal taniimik, ken aybulle wayya heem mayyu» kaak iyye.

Ermiyaas 4:16

Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.