Yasaqya 37:2 - NABUWWA KEE MALIKWA

² Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh; nabi-Yasaqya fan farmoh ken ruube. Oson kaadu sartanah *qabuudut gaceenih gexen.

Yasaqya 37:2 Referans Kwoze

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Yasaqya 37:14

Ciskiyyaahu ta warkat kaa maadde waqdi, yubleeh, addal tanim yikriyeh. Sarrak too warkat gabat hayya heeh, YALLIH Qibaadah-Qari gexe. Tokkel too warkat YALLIH foocal hayya heeh,

Yasaqya 36:3

Too waqdi Yuudâ-marak sidiica num kaah garayte. Tohumuu, Cilkiyyá-Elaakimiy malik-qarih-abbah yanihiyya kee, Sebna deqsita numuy malik-qarih kutbe-abeenah yani kee, Asáf-Yowac deqsita numuy tikki 'taamah kutbeh-abeynah yanihiyyak ten.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

2 Malikwa 19:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh, Amox-baxa-nabi-Yasaqya fan farmoh ken ruube. Oson kaadu sartanah *qabuudut gaceenih gexen.

2 Malikwa 18:18

Tohuk lakal Malik Ciskiyyaahuh farmo ruubeeh; too farmol kay marak sidiica num yemeete. Woo sidiica num Cilkiyyá-Elaakimiy malik-qarih-abbah yanihiyya kee, Sebna deqsita numuy malik-qarih kutbe-abeenah yani kee, Asáf-Yowac deqsita numuy tikki 'taamah kutbeh abeenah yanihiyyak ten.

Yasaqya 20:2

Sidiica sanatak naharat, YALLI, Amóx-Yasaqyak, «Ibat lito kabel kee ama xagaral lito *qabudda isik kal» 'yaanam kaak iyyeh suge. Too saaku usuk Yalli kaak iyyem oggoleeh, xagaral saro maleh ib-qassih gexak suge.

Yasaqya 22:15

YALLAY Dagelta kinnih, Nabaamak Nabahiyya iyyemii, «Malik buxak abbah yan yaaloy Sebna deqsitahiyya fan gexay kaak intamaa,

Yasaqya 22:20

Aham takku wayta saaku, Cilkiyyá-Elaakimiy yi naqasu kinnihiyyah seeceyyo.

Yasaqya 37:21

Tohuk lakal Amóx-Yasaqya, Malik-Ciskiyyaahuh farmo ruubeh kaak iyyemii, «YALLAY Israayil doore Dagelta kinnihiyya kok iyyamaa, ‹Sanceerib giddinaamak abte dooqa kok raabiteeh;

Yasaqya 38:1

Toh edde tekke uddurut, Malik Ciskiyyaahu kaxxa biyaakah biyaakite. Rabi kaat xayyooweh suge. Amox-baxi-nabi-Yasaqya kaal yemeeteeh kaak iyyemii, «YALLI, ‹Ahaysa rabi kot xayiih; ama lakimak murta'mmay, buxâ-mara farriimitay cab› kok iyyah yan» 'yaanam kaak iyye.

Aster 4:1

Mordakay tekkem yoobbe waqdi, sara isik qanxise. Sarrak sartanah *qabuddat gaceeh, amol gombod isik caxe. Tohuk lakal boogisak magaalak adda gacca 'yeh gexe.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.