Yasaqya 37:1 - NABUWWA KEE MALIKWA

¹ Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

Yasaqya 37:1 Referans Kwoze

Yasaqya 36:22

Sarrak Elaakim kee Sebna kee Yowac aben qaadah sara isinnik qanxiseenih, Assuuriyah-qaskar-abbah yan num keenik iyyem malikih warsen.

Qedra 9:5

Sarrak magrib yekkeeh, sadgat edde aban wakti xayyoowe waqdi, Yallah rammitak nadaamah daffeyak elle suge aracak, qanxixe sara xagarat luk, solla exce. Tohuk lakal gulubuh gacca exceh, YALLAY yi Dagelta kinnihiyyal dooqah gaba ruube.

2 Malikwa 22:11

Malik, Yallih-xinto elle tan kitab iyyam yoobbe waqdi, hagga 'yeh wariggah saro isik qanxise.

Ermiyaas 36:24

Kay doolatak saqoltih yan maray ta yab yoobbehiyya kaadu mawariggitinna. Hinnay kaadu, «Umam net takku waytah tan!» 'yaanam maxacinnon.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

2 Aydaad 32:20

Too waqdi Malik Ciskiyyaahu kee Amox baxa nabi Yasaqya Yalla kallaceeniih kaal weeqeeniih cato kaa esseren.

Aster 4:1

Mordakay tekkem yoobbe waqdi, sara isik qanxise. Sarrak sartanah *qabuddat gaceeh, amol gombod isik caxe. Tohuk lakal boogisak magaalak adda gacca 'yeh gexe.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 37:14

Ciskiyyaahu ta warkat kaa maadde waqdi, yubleeh, addal tanim yikriyeh. Sarrak too warkat gabat hayya heeh, YALLIH Qibaadah-Qari gexe. Tokkel too warkat YALLIH foocal hayya heeh,