Yasaqya 32:18 - NABUWWA KEE MALIKWA

¹⁸ YALLIH mari isi buxal cisaabak amaanah xiineleeh; gadaamak affoofele.

Yasaqya 32:18 Referans Kwoze

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 14:3

YALLI, isin luk sugten biyaakak sin urseleeh; cisabbootiyyak amaanah sin xiinisele. Dirkih sin absiisak sugen gibdi taamak sin ayfoofele.

Yasaqya 26:3

Isi gital digga 'ye mara cooca sinni amaanal xiinissa. YALLAW, too mari kol kibaal haak, wagriiy amaanal ken xiinissa.

Yasaqya 26:12

«YALLAW, wagari neh taceem koo. Nanu abneeh nugdube taamoomi, 'kak geynem koo; nee xiqsissem koo.

Yasaqya 28:12

«Offoofiyaay, ahaysa uqrufa; taqbe marak uqrufa inxica» siinik axcuk sugtem Yalla'mmay, takkeenimik Yallih-yab cinten.

Yasaqya 30:15

Mulki le YALLAY Israayil doore Dagelta kinniih *Kudduusuk yanihiyya iyyaamah, «Amay yol uduuray yol eemena; tonnal waddiimetton. Macisabbootinay kibaal yol hayisa; tonnal qande geetton» 'yaanam iyya'mmay, isin wohim cinteenih.

Yasaqya 65:9

Yaqkuubuk rade yi marat, Yuudâ-kedok rade marat niqmat heeyyo; xaylo aceeyyo. Qaleela mango yi rasu ikoytah keenih aceeyyo. Inni maray innih doore dabqih too rasul hee liyo. Yi naqoosa elle sugele.

Yasaqya 65:21

Meqe qarwa xissitelon; dabaaqah elle gacelon. Qinab coox aysubukelon; xaylo akak attakammelon.

Zakariyya 3:10

Too ayro kulli num siinik qinab coox kee salfa le caxâ-miru xala cooxih gubal gacca 'teenih, cuggaaneh siinik yan marah qibnaytiinoh isinni buxal xigla abettoonuuh; amaanah xiinetton. Tah intam yoo YALLAY Nabaamak Nabahiyya› 'yaanam iyyah yan» iyye.

Yasaqya 33:6

Tet doolatah digga akkele. Teetih dacayri akkele. Kas kee ixxiga keenih aceele. Kaxxa acwa akak 'yaanam, YALLA meysitak yassanabbeenimi.

Yacedkel 34:28

Irô baaxoh mari ahaysa ken mabuuba. Ahaysa alluwwa ken maqiddaay ken matakma. Sahda ken mameysissay, ahaysa amaanah xiinelon.