Yasaqya 32:14 - NABUWWA KEE MALIKWA

¹⁴ Macaay inteenik, malik qari foyya akkele. Mango xongolo elle radak ten magaala abur akkele. Amo xer qariy magaala akak dacrisak sugeenihiyya foyyah raaqele. Too aracal dabookalwa kee laa aloolele.

Yasaqya 32:14 Referans Kwoze

Yasaqya 27:10

Maroh gaso edde tan magaala hunah raaqele; dibu akkele. Num sinniih dibuk yan bacari akkeleeh, abuuruh raaqele. Laahi dabqih elle gacele; noktimah tokke haysitele. Qayso noktimal aloolele; noktimal coox ludwak yaloole.

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Yasaqya 24:12

Magaala abuuruh raaqeleeh, akak culan afa bututtukkay riira tet abelon.

Yasaqya 24:10

Magaalah addal uluuluka kee umaane amaggeleeh, sinam meysih qarwa isit alfele.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yasaqya 5:9

Anu YALLAY Nabaamak Nabahiyyak inni aytih oobbeemih, «Ama kaxxa qarwa abuuruh raaqeleh, sahdayti addal akak maraaqa.

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

Yasaqya 7:23

«Toh takku wayta saaku, qinab buqreh cooxuk alfi caxay kulli caxa garsi akak baahak sugtehiyya elle sugte aracal, eqeb kee sibaasib aabukele.

Yasaqya 22:2

Kaxxa waxxaqto elle takkeh tan magaalay! Kaxxa xongolo kee digir elle takkeh tan magaalay! Kok rabe mari way qeebit kok marabinna. Yekke carbih addat seefit kaadu marabinnon.

Ermiyaas 14:6

Dibookoli fayya 'ta ikkel gacca 'yeh wakrih innah habhabita. Qaysô-waytih intiita baaxo kaak matabla» iyye.

Ermiyaas 33:4

Tonna'mmay yoo YALLAY Israayil doore Dagelta kinnihiyya kok axceemih: Yarusalaam magaalah mari, Baabelon-maray qeebi keenit abahiyyak megdebih edde gacaana'gidih, malikwâ qarwa kee raqqa 'ye marih qarwa yiggilen.

Ermiyaas 52:27

Ribla deqsita arac elle geytimam, Camat rasu. Tokke ken baahen saaku, malik ken qidsiiseh. Yuudâ mara seewah elle beenim tonnak ten.

Hosiqa 2:3

Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.

2 Aydaad 33:14

Tohuk lakal Manasse, Dawud-Magaalak irol ayrô-mawqa le kabut raqta baaxol goloh addal yan Gicoon buyyik xabba haanamaay Kullum-Culma deqsita arac kee, magaalak Qoofal deqsitta exxah deraafih amma 'yaanam tan baaxol sugte gasoosa yuqusbuuseeh; xexxaarah duma akah sugte innak fayya hee. Yuudâ-magaalooliy gasoosa maroh edde tanihiyyal inkih dacayrih qaskar-abbobti hee.

Yasaqya 3:26

Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.