Yasaqya 32:10 - NABUWWA KEE MALIKWA

¹⁰ A saaku cayit taniinim siinik ableh immay, sanat kee abxa gufe'kal gadaama sin abbixele. Qinab coox xaylo maxala. Kudaar morbissan.

Yasaqya 32:10 Referans Kwoze

Ermiyaas 8:13

YALLI qagseh iyyemii, «Sahdayti tooboke daro elle gaaboysa'nnal, inni mara gaaboysam faxa. Takkay immay qinab-caxay xaylo xale wayta yekken. Sublay xalay wayteeh, ayyuufi akak kafe yekken. Tonna leemiik allak yemeete marih gabal ken heeyyo» 'yaanam iyye.

Yasaqya 7:23

«Toh takku wayta saaku, qinab buqreh cooxuk alfi caxay kulli caxa garsi akak baahak sugtehiyya elle sugte aracal, eqeb kee sibaasib aabukele.

Xafanya 1:13

Luk suggu 'yen gaddaliino keenik buubelon; buxaaxi keenik bayselon. Xissiten qarwat magacan. Yubquren qinabih kamri mayaaquban» 'yaanam iyye.

Cabakkuk 3:17

Subul xaylo xale waamah, qinab xaylo xale waamah, *daytuun xaylo xale waamah, daro neh orbe waytaamah, illik loyni yambaxeemih, wadar kaadu tambaxeemih, laahi buxah orbe waamah,

Ayyuqel 1:12

Qinab xala cooxuuy sublâ-coox kee rummaanat xala coox laqaymuumeh. Tamira xalak ten nakliita laqaymumte. Yakmen xaylo xala coox kee garbol yan coox inkih laqaymumma 'yeh kafe. Tohuk gexxaamah ummat abak sugte farcat gadaamat cabe.

Ayyuqel 1:7

Qinab xala coox sella nek heeh; sublâ-caxak tu macabinnaay, qalloh agaantah yokme. Coox kafinuk cabba hee'mmay weeqa.

Hosiqa 3:4

Israayil mari kaadu tonnah malik haysite'kal, abbah num hee'kal, sadgat abe'kal, xeetik bicsen qamidway yaqbudeenihiyya kee Yalla 'yeenih tu elle esseran duyye aalle'kal, mango wakti qambaalak sugelon.

Hosiqa 2:12

Tet qinab xala coox kee tet sublâ-cooxuy is, ‹Yi mareytit yoh tecee› akak intahiyya teetik bayseyyo. Qinab coox kee bustaan elle tuysubuke arooca garbo teetik abeyyo. Too cooxuy qinab xala kee bustaan alluwwa baysele.

Yasaqya 16:10

Mangom elle aabakuk ten baaxoh mari ruffa lem mali. Qinab elle aabakuk yen baaxoh mari gad abtam mali. Kamri akak bicsoonuh edde yaaqiten qinab mayana. Anu, oson wallitak abak yenen waxxaqto tibba hee.

Ayyuqel 1:5

Hay sakaaray, ugutay weeqa. Qinabak bicsen kamrit yiskire maraw, takkeenimiik boogisa. Qusba kamri akak bicissan qinab xaylo bayteeh finqitteh.