Yasaqya 31:2 - NABUWWA KEE MALIKWA

² YALLI kas leeh; bala oobissem kaa. Usuk iyyem aba. Tonna-leemiik sarri-leelal gaba qideleeh, umaane aba marah cato yakke maral kaadu gaba heele.

Yasaqya 31:2 Referans Kwoze

Yasaqya 45:7

Dite kee ifu bicissem yoo. Barkat sinaamat haytaah, bala sinaamal rubtam yoo. Ah abtam yoo YALLA.

Xafanya 3:8

«Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Ermiyaas 10:12

YALLI addunya isi qandet gine. Isih leh yan ixxigat inkih yan baad yukluke. Qaran kaadu fidise Dagelta kinni.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Yacedkel 29:6

Masril yan mari inkih YALLA kinniyom tohuk lakal yok aaxigelon› » iyye. YALLI iyyeemih, «Masri maraw, Israayil mari catoh niya siinil luk suge. Takkay immay qandeh bayre caxxak maysinniton.

Ermiyaas 36:32

Sarrak Ermiyaas aki warkat bahha heeh, kutbe-abeenah kaak yan Baarukul yecee. Baaruk usuk kaah warissa heem inkih yuktube. Too naharsi warkatal uktubba hee yab kee, wohuk kalah kaadu, too yaabih bis le yab edde qagissa heeh yuktube.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Yasaqya 32:6

Macaay inteenik, duquruk yab saaha mali. Aaminnaanimil malsaanam taamah le. Tonna leemik, YALLA cina num yakkeeh; YALLIH giddinaamak, qellat le yaabat yaaba. Qulula mara mayaskama; bakaarita mara mayafqa.

Yasaqya 31:3

Tonna'mmay Masri mari sinaamak kaxxih sahda ikkal, Yalla hinnoonum taaxigeenimi. Oson lon faaris, gersi faariisak kaxxih akak yaniinim, cado kee xagara ikkal, malayka hinnon. YALLI gaba siinil qidu waa saaku, cato elle essertan mara kee cato essera marak inkih baati sin qambaltam ixiga.

Yasaqya 30:3

Takkay immay isin aleeloh liton Masri baaxo, qaybi siinih xalele. Masrit faxxen reebi qaybi siinih xalele.

Yasaqya 28:21

YALLI duma Faraadim-qalel akah abe innah siinit ugtele. Gibqon-Golol akah bagcarrite innah siinit bagcarritele. Isi taamay isin kaak akkaluk suge waytaana abele.

Yasaqya 22:14

YALLAY Nabaamak Nabahiyya isih yo'lih yaabeeh, iyyemii, «A umaanek rabba 'yaanam fan qafu mageyan» axcuk xiibite. Ah intam, YALLAY Dagelta kinnih, Nabaamak Nabahiyya.

1 Samuwel 2:3

Sinaamey, hida caba. Kaxxiina xagarat hayya hayteenih mayaabina. YALLI kullim yaaxige Dagelta kinni; ummatta abba haytaamal inkih mekla.

Yoosuwa 23:15

Takkay immay YALLAY sin Dagelta kinnihiyya too xagana akah culla 'yem tiya-tiyah siinih elle duuduse innal, tonnah kaadu, kay yab cinna hayteenik, siinil baaheyyo iyye umaanek tu cabe'kal siinil baahelem ixiga. A baaxok bayetton.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 14:20

Macaay intek, atu isi baaxo foyya abteeh; isi mara qide num kinnito. Tonna leemiik gersi malikwa elle yoogoqen innal matamoogoqa. Ku buxah mari inkih umaane leela kinnoonuuh; ken migooqa kassite way!

Yasaqya 28:29

Tah inkih YALLAY Nabaamak Nabahiyyah baritto. Kay kas qajiibih yaniih, kay ixxiga kaxxa nabna le.

Yasaqya 21:17

Keedarah tooboke agiiray qeebi gayset abak sugtehiyyak dagoom raaqele. Ahat yabtam, yoo YALLAY Israayil doore Dagelta kinni» iyye.

Yasaqya 30:7

Too duyye akah beenim, Masri mara'mmay, Masri marak geyoonu waan catotta malon. Tohuk gexxaamah Masri marak ‹Summi sinni abeesa› 'yaanam exceh an» iyye.