Yasaqya 30:23 - NABUWWA KEE MALIKWA

²³ YALLI rob siinih ruubeleeh; buqre elle abinnaan ikkel, qidinnaan daro siinih aabukele. Mango daro orbisetton. Laahi siinik mango qayso geeleeh amaanah aloolele.

Yasaqya 30:23 Referans Kwoze

Yasaqya 32:20

tohuh isin, isinni baaxol niqmatat gacetton. Leek garil qidinnaan daro siinih aabukeleeh; laa kee danoona maatah gaceleeh aloolele.

Malaaki 3:10

Away yi Qibaadah-Qaril niqmat akah yamagge innah, dakaatak tu cabe'kal baahaay, Qibaadâ-Qaril hayisa. Too duyye Qibaadâ-Qari bahteenik, qaran afoofi fakka heeh, amqinnaan niqmatay qadad sinni siinih ruubeyyom able liton. Toh siinik intam yoo YALLAY Nabaamak Nabahiyya.

Zakariyya 10:1

YALLI siinih aceelek, dabayba rob siinih rada'gidih kaa kallaca. Rob xagarat le qamburre rubtaah, woo qamburreh addak robti tiffa rubtaah baaxo anxaxxossam YALLA.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yasaqya 4:2

YALLIH Luddi nabna kee qax-maqaane edde baahu waa wakti amaatele. Too wakti Israayil ummattay baaxô-bagul raqtehiyya, woo baaxol taabuku waytam yabloonu waan waqdi, ruffu axceloonuuh; nabna edde geelon.

Hosiqa 4:16

Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Yasaqya 10:27

Too ayro Assuuriyah marih gabak sin ayyaaqeyyooh, sunkul siinik abbaxuk sugen quuki siinil maraaqa. Kaxxam filli-cayla litoonumih sabbatah, fillal siinik haak sugen *madmad aggilele.

Yasaqya 65:21

Meqe qarwa xissitelon; dabaaqah elle gacelon. Qinab coox aysubukelon; xaylo akak attakammelon.