Yasaqya 3:26 - NABUWWA KEE MALIKWA

²⁶ Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Yasaqya 3:26 Referans Kwoze

Ermiyaas 14:2

«Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Yacedkel 26:16

Baddi xaqul tan baaxooxah amoytitte dardaarinni koraasih baguk obba 'yeenih, xer-kameswa kee dilwa le sarak katta 'yeenih, baaxok bagul gacelon. Siinit tekkem abaluk kaxxa cunxoh cunxitelon. Xagar keenik axaxoh mayaada.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Yasaqya 33:9

Baaxo kafteeh, coox laqaymuume. Lubnaan garbo kafte. Saronuy qaxmeqe-baaxoh sugte bakarroyta tekke. Basan rasu kee Karmel qalel yan cooxuk ayyuufi luuqa.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Yacedkel 12:20

Away ummat kibuk elle tan magaalooli abur akkele. Inkih tan baaxo num sinniih lac sinni bacari akkele. YALLA kinniyom yok taaxigoonu waytaanam, too saaku, keenik inxic» yok iyye.

Miika 1:9

Samaariyah mara yabbaxu waa biyak, caba biyak hinna. Yuudâ mara kaadu too bis le biyak abbixele. Baati yi mari elle yan Yarusalaamak culma gufele» iyye.

Yasaqya 32:14

Macaay inteenik, malik qari foyya akkele. Mango xongolo elle radak ten magaala abur akkele. Amo xer qariy magaala akak dacrisak sugeenihiyya foyyah raaqele. Too aracal dabookalwa kee laa aloolele.