Yasaqya 3:24 - NABUWWA KEE MALIKWA

²⁴ Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Yasaqya 3:24 Referans Kwoze

Yacedkel 27:31

Kot tekkeemih rookah, amo isinnik molla heenih sartanah qabudda haysiten. Kot tekkeemih kaxxam koh qaadelon.

Miika 1:16

Yuudâ maraw, kicinuk tenen xayloh rookah amo isinnik moola. Xaylo siinik seewah beeloonu'mmay, ken rookah gaali-gumah amoh innah moyya isinnik muxcah aba.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 15:3

Woo mari, gititteh addal, sartanah *qabuddat gaca. Magaalak maglallah yan arac kee qarwah amol yan mari weeqaah rookita.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Aster 2:12

Baxuw qaxa edde yamqen diwa-haytit inkih yan sanat suge. Too sanatak laca alsih gide coofaalik bicsen sukutit xagar keenik duugak sugen. Aki laca alsa kaadu, qatri kee arab xabbacoysaah qaxa yaymaaqe caxâ-sifat ken askatuk sugen. Tohuk gaba kalen saaku kulli baxuwwa midu-miduh malik fanah gexak ten.

Ayyuqel 1:8

Baqli akak rabe qibnah innah, boogisaay rookâ-sartan sarita.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Ermiyaas 48:37

Yakkeenimik amo kee deben isinnik mooleenih, xagar kaadu isinnik toobiyeeniih, sartanah *qabuudut gacen.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

Yasaqya 57:9

Mango qatri kee saliid (zeyti) gabat hayya hayteenih, kaxxa malik fan safarten. Farmoh afat ruuben mara xer baaxo fan rubtaanaah; akeerah agantah ken rubtan.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Yasaqya 4:4

YALLI isi qandet ummattal mekleleeh; gira birta akah taahirroysa'nna ken taahirroysele. Yarusalaam-agbi le sakkik tan taamak keenik taahirroyseleeh; Yarusalaamal caxita qabalak tet kaqlisele.

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.