Yasaqya 29:3 - NABUWWA KEE MALIKWA

³ Yarusalaamat qeebi abeyyo. Maro teetit haysiiseyyooh, tokkeek qeebi teetit absiiseyyo.

Yasaqya 29:3 Referans Kwoze

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

2 Malikwa 19:32

Tonna leemiik YALLI, Assuuriyah-malikit takku-waytam koh warsaah iyyamaa, «Usuk a magaala macula. Gaysê-baxa elle maqalaamisa. Gob luk a magaalal maxayyoowa. Tet adda cula'gidih xeet tittin bagul mahaa.

2 Malikwa 18:17

Tohuk lakal Assuuriyah-malik Laakis-magaalak Ciskiyyaahuy Yarusalaam magaalal yanihiyya fan mango qaskar ruube. Woo qaskar lih, qaskar abbobtiy kaxxa arac luk tanihiyyak sidoc ruube. Yarusalaam magaala gufen waqdi, daga raqta dorak lee akak tamaate caraata elle obta'kkeh xaqul, «Sara kaqlisa marih Booxa» deqsita arac fan beya gital soolen.

Yasaqya 1:8

Yarusalaam, gubbil xisen daboyta kee cabcab elle yooboke aracal xisen seenan-qari kee naqboytit maraasiye magaalah innah, dubuk tekke.