Yasaqya 29:12 - NABUWWA KEE MALIKWA

¹² Akriye waa numul beyteeh kaadu, «Yoh ikriyey» intek, «Aleey anu kawsa maaxiga» 'yaanam axcele.

Yasaqya 29:12 Referans Kwoze

Yasaqya 29:18

Too ayro, kitab addal tanim ayti-mali aabbele. Inti-mali kaxxa diteh addak awqele; inti geele.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

Ermiyaas 5:4

Tah keenik ubleeh, too waqdi inni bagul ucsubeemih: «A mari masaakiinay tu aaxige waytahiyyak tanih tan» 'yaanam ucsube. «Ken Dagelti keenik faxam yaaxigeenih mayanin; duquurak tanih tan. YALLI aba keenik iyyem kinnim yaaxigeenih mayanin» 'yaanam inni bagul exce.

Yasaqya 8:16

Isin yi darsay, Yalli yol ruube farmo dacrisaay tet daanisa.

Yasaqya 29:11

Sin yuybulle wacyi maceddaanaay; alifit yan kitaabih addal yan yaabih gide siinil akkele. Woo kitab numuk teenay yakriyehiyyal beyya hayteh, «A kitaabal tanim macaay? Ikriyey!» intek, woo num «Anu aham akriyu mabicsa. Macaay intek alifit taniih, fakiimeh akak wayta asta le'kkah makriya» axcele.

Yasaqya 29:13

Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.