Yasaqya 28:1 - NABUWWA KEE MALIKWA

¹ Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Yasaqya 28:1 Referans Kwoze

Hosiqa 7:5

Malik xigla edde abe ayro, kaal malse mari kaa kee kay gubal tan abbobti qinab-kamrit iskirra 'teh hangi keenik akah gexa innah aben. Usuk kaal malse mari abah yan anqaasat gaba yessegelle.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Qaamus 6:6

Qinabak bicsen kamri kobbaayatal mataaqubaanay buxux le kaxxa sacanil taaquben. Sukutik meqe sukutit isinni taskuten. Takkay immay Israayil ummat edde tan biyak siinih mayambullaay, akah mabiyaakittan. Tamahak gexxaamah, siinit takku waytam umaamaay abletton!

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Qaamus 2:12

« ‹Takkay immay Qahdi culeena yekke mara qinabak bicsen kamri tefqeeniih; nabuwwak, Yallih farmo neh mawarisina 'yaanam inten.

Qaamus 2:8

Yi qibaada elle aban aracal mago tagdiyu teffere masaakiinak damaanatah been sartanal xiinih gacan. Yooy ken Dagelta kinnihiyya elle yaqbuden qaril, mago edde lon marak magoh aftok meklah been kamriy qinabak bicseeni yaaquben.

Hosiqa 6:10

Israayil addal, ableh uma umaane akkih able. Yi mari duyyeeyâ-qibaadat gaceeh nadaasa is abe.

Hosiqa 5:5

Israayil mari le kaxxiina, kinnon mara keenik taybullee. Ken dambi ken yaydafoofoleeh, ken yankiseh. Yuudâ mari ken lih annikissele.

Hosiqa 4:11

YALLI kaadu qagseh iyyeemih, «Qinabak bicsen qusba kamri kee suge kamri yi marak kas beeh.

Yasaqya 9:9

Israayil ummatta kee Samaariyah magaalal yan mari, kaxxiina kee anaani xagarat hayya heeh, «Kallak bicsen xisne tiddigilleh immay wokke xeetik bicsen xisne ciggiilisenno. Sublâ-cooxuk bicsen qarwa tiddigilleh immay, wokke nabam meqe sariidak bicsen qarwa ciggiilisenno» iyyaana'mmay, oson inkih takku waytam Yallih cokmi kinnim aaxigelon.

Yasaqya 8:4

Yooboke awki ‹Yi inay› 'yaanam kee ‹Yi abbaw› 'yaanam afak ayyaaqe'kal yan saaku, Damasko kee Samaariyah mari edderra heem inkih Assuuriyah malik buubele» yok iyye.

Yasaqya 5:22

Qinab kamrih agiiray! Yesgellen kamrih maqabah sin aleltam matana'mmay, woyyow, siinit takku waytaamow!

Yasaqya 5:11

Kamrih-maqabah dibroh ugtaah inkih yan carra askiruk kassoowa maraw, woyyow, siinit takku waytaamow!

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

Hosiqa 5:9

Israayil ummatey, digaala siinit edde takku wayta ayro xayih. Israayil foyya akkele. Israayil ummatey, tah nummaak takku waytaama» iyye.

Yasaqya 9:8

Yalli Israayil doolat kee Yaqkuubuk rade maral farmo ruubeh; cokmi keenil abele.

Yasaqya 9:11

YALLI, Malik-Raaxin le naqboytit qeebi keenit abta'gidih bicat heeh; ken naqboytit keenit uguuguse.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Qaamus 6:4

Maaqo xagtan waqdi elle inaaqittaanam, dakani moddiinik bilqisen kaqaadiidi. Maaqoh akah taniinim, qunxa illi kee nagay mulkuqusen rugaageh cadooy; elle taniinim, raacat le koraasih bagu.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.