Yasaqya 27:6 - NABUWWA KEE MALIKWA

⁶ Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Yasaqya 27:6 Referans Kwoze

Yasaqya 37:31

Yuudâ-rasul baatik saaboh raaqe mari, daabinte-caxay xaylo xaltaah buxux akak baaxot cule akkele.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Hosiqa 2:23

Inni mara le baaxol nookiseyyooh, ken gaddaliseyyo. Racmat-Wee akak axcuk suge marah racmateyyo. Yi mara hinnon akak axcuk sugen mara, inni mara abeyyo. Yi mara kinniton keenik axceyyo. Ni Dagelta kinnitoh yok axcelon» iyye.

Yasaqya 60:22

Siinik qunxa mari naba mara akkele; siinik gaca mari qande le mara akkele. Anu YALLA kinniyooh; edde akkeh meqe waktit, taham inkih xayuk absiiseyyo» 'yaanam iyyah yan.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Yasaqya 4:2

YALLIH Luddi nabna kee qax-maqaane edde baahu waa wakti amaatele. Too wakti Israayil ummattay baaxô-bagul raqtehiyya, woo baaxol taabuku waytam yabloonu waan waqdi, ruffu axceloonuuh; nabna edde geelon.

Yasaqya 35:1

Bacarih tan baaxoy bakarroytah tanihiyya ruffu axcele. Lee sinniih qayso sinni bacarih tan baaxo agda akkele. Birro kulli ikkel aabukeleeh, wir axcele.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yacedkel 36:8

yi Israayiliy, qaleela ayyuufa siinih baaheleeh, caxâ-miru siinih xalele. Ahaysa isinni baaxo xayuk gacetton.

Yacedkel 36:10

Israayil ummatey, sin aymaggeyyooh, magaalooli fan sin gacseyyo. Tiddigille qarwa nammeyhaak xisetton.