Yasaqya 27:3 - NABUWWA KEE MALIKWA

³ «YALLI qinab-caxak iyyam le: ‹Qinabak dacayri anu abeyyo; amo teetik anu wagteyyo. Fiiruk geerah leek tet afqeyyo. Naqboyti gabak dacriseyyo. Bar kee laqoh tet dacriseyyo.

Yasaqya 27:3 Referans Kwoze

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

1 Samuwel 2:9

Kaal teemenem dacrissam kaa; uma mari dite-gadda yakke. Sahdayti nasri akah geyam isih le qande hinna.

Yacedkel 34:11

«Yoo YALLAY Mulki lehiyya siinik axceemih, Inni illih goran innih abeyyooh, innih ken dacriseyyo.

Yacedkel 37:14

Inni ufuy siinit heeyyo. Rooci siinit gacseyyo. Tohuk lakal isinni baaxol dabaaqah gacetton. Too saaku yooy YALLAH yani abeyyo iyyam duudusa Dagelta kinnim yok aaxigetton. Tahat yabtam yoo YALLAY Mulki lehiyya› keenik inxic» iyye.

Yacedkel 34:24

Yoo YALLAY Mulki lehiyya, innih, ken dacrisa Dagelta akkeyyooh; Malik Dawud innah yan malik ken xiinisa'gidih abba keenik abeyyo. Taham exceh, edde maqagita.

Yasaqya 60:16

Doolatwa kee malikwa meqe'nnal koo dacrisele. Too waqdi yooy YALLAH yani koo wadem aaxigetto. Xixxibaanek koo yeyyeeqe Dagelta kinniyom aaxigetto. Yaqkuub doore Dageltay cayla le kinniyom aaxigetto.

Yasaqya 46:9

Dumî dabaanal tekkem kassa mahaytaana? Toh kassa haay, yok sa Yalli mayanam ixiga. Yook sah yi bis lem matana.

Yasaqya 46:4

Anu anyooh; idoolitta 'teenih amô qidi bahtaanam fanah, sin dacrissam yoo. Sin tuklukem yooy; sin takkuqem yoo; umaanek sin cateyyooh sin dacriseyyo.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yacedkel 37:28

Yi Qibaadah-Qariy way kate waahiyya tokkel hayu waa saaku, irô baaxoh ummat inkih, Israayil mara isi mara abtem yoo YALLA kinnim aaxigelon› 'yaanam iyya, keenik inxic» yok iyye.

Yasaqya 31:5

Kimbiro isi qari galwat akah reebissa'nnal, YALLAY Nabaamak Nabahiyya Yarusalaam-magaala umaanek reebiseleeh, tet wadele» yok iyye.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 49:8

YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

1 Malikwa 8:59

YALLAY ni Dagelta kinnihiyya anu away a dooqa abe waqdi kaa kallacem hawweene waay. Usuk doorite Israayil mara kee ken malikih yamqay. Cakki ayrook ayro keenih duudusay.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.