Yasaqya 26:8 - NABUWWA KEE MALIKWA

⁸ Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 26:8 Referans Kwoze

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 56:1

YALLI iyyaamah, «Yi qadaalat elle yan inna tabloonu waytaanah, sin edde catu waa wakti xayiimih sabbatah, qadaalatat taamitaay cakkik tanim aba.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 12:4

Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

2 Samuwel 23:5

Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

Malaaki 4:4

«Muusay yi naqasuh yanihiyya sin barsem kee, kay gabal Israayil marah Siinâ Qaleh amol ecee xinto kee madqay kataataana'gidih keenih ruubehiyya, isin kassita.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 24:15

Tonna leemiik ayrô-mawqa le kabul yan marak, isin YALLIH nabnat yaaba. Baddi-xaqul yan marak, YALLIH migaq essekexxeya. YALLAY Israayil doore Dagelta kinnihiyya essekexxeya.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Yasaqya 26:13

YALLAW, ni Goytaw, ni Dageltaw, ku cato geyak, naqbudem koo. Kok sah reedonwa ni-amol sugte.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 51:4

«Yi ummatey, yoo ankacisa; yi maraw, anu axcem oobbeya. Ummattah inni xinto warseh an; yi cakki baadal tan ummattah ifu akkele.

Miika 4:5

Gersi baaxoh mari Yallih aftok gersim yaqbudeeh ken gita kataya. Neh tu gactek, kulli way YALLAY ni Dageltah yani aqbudennooh; kay yab aabbenno.