Yasaqya 26:20 - NABUWWA KEE MALIKWA

²⁰ «Yi ummatey, buxah addah cula; qarwak afa isinnit alifa. Yalli naqabuk xamacam fan dago gide kaak ombooqora.

Yasaqya 26:20 Referans Kwoze

Yasaqya 10:25

Tah akah axcem, siinit liyo naqbi xayih gaba kaleleeh; yi bagcarrat ken bayisu waamih sabbata.

Yasaqya 51:4

«Yi ummatey, yoo ankacisa; yi maraw, anu axcem oobbeya. Ummattah inni xinto warseh an; yi cakki baadal tan ummattah ifu akkele.

Yacedkel 11:16

«Too mari toh iyya'mmay, atu ama seewah been marak intaamah, ‹YALLAY Mulki lehiyya siinik iyyaamah: Allî-baaxo sin rubteeh, kulli baaxol fixixih sin tabbixem, yooy; uxih dago wakti ama fixixih elle tanin baaxol, taahirik yan aracal elle suge'nnal, sin lih an› keenik inxic.

Yasaqya 51:16

Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Ermiyaas 31:14

Seeka kaxxa cayih cayiseyyo. Yi mari yi niqmatak cayyele. Tahat yabtam yoo YALLA kinni» 'yaanam iyye.

Ermiyaas 7:23

keenik exceemih, ‹Yi yab oobbeya. Yi amri oggola. Toh abteenik, yi mara akkettoonuuh; anu sin Dagelta akkeyyo›, 'yaanam keenik exce. ‹Kullim siinil tamqe'gidih anu siinik inxicca excem aba›, 'yaanam keenik exce.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Xafanya 2:3

YALLI aba iyyem abaah, kaal kibaal haa maraw, YALLA aqbuda. Cakkik tanim abaay, YALLAH uqunxuya. Toh abteenik, YALLI bagcarrita saaku digaalak cattintaanam takkeh.