Yasaqya 25:4 - NABUWWA KEE MALIKWA

⁴ Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 25:4 Referans Kwoze

Xafanya 3:12

Tokkel too saaku niya akak baxaqteh, kaxxiina xagarat aalle waa maray faxaamah yoo kallacahiyya raaqiseyyo.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 66:2

Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 29:19

Rammita mari, YALLAT kaxxam ruffa axcele. Israayil doore Dageltay kudduusuk yanihiyyat, masaakiina ruffa axcele.

Yasaqya 29:5

«Takkay immay mango naqboytiitiy kot qeebi abahiyya siisa akkele. Koh racmate waa mari caffay caaco beyte akkele» iyye. Tah sissikuk takku waytaama.

Yasaqya 27:5

Toh hinna'mmay yoo wadbiteenik, yo'lih bica mara yakkoonay; yo'lih bica mara yakkoonay› 'yaanam YALLI keenik axcele.

Yasaqya 17:10

Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.

Yasaqya 14:32

Filistiin rasuk farmo baaha maral maca gacsenno? YALLI Siyon-magaala xiseeh, kay ummattay xukko elle tanihiyya tokkel amaan geeloonum keenih warsenno.

Yasaqya 11:4

Masaakiinah cakkik-yan-cokmi ackumele. Tu-maleelah cakkik-tan-mekla abele. Iyyem akke leh: digaala elle amrise mari diggalsimeleeh umeynit ambaxele.

Yasaqya 8:14

Yi *taahiriino siinih reebu akkele. Takkay immay Yuuda kee Israayil marah, xaay sahda adafa kinniyoh; ken yannikisse xaa kinniyo. Yarusalaam mari edde radu waa oflo kinniyo.

Yasaqya 16:3

Farmoh ruuben mari Yuudâ-marak iyyoonu waanamah, «Abnam neh warisa; abtaanam nek inxica. Carra dahan elle yani'kkel xamcin iraawo qidda caxah innah, nee cataay; ku silaalol silaalinnay nee inxic. Nanu dabbô-mara kinninok, num nee akak gee waa ikket nee uqur.

Yasaqya 28:6

Yab kuraah, cokmaabah yan marah qadaalat kinnim barisele. Magaalâ culma beya gita wagtaah, dacayri edde aba marat niya heelem, YALLAY nabna le.

Yasaqya 29:20

Macaay inteenik, racmatta maleela baatih gexele. Kulliimil qangaasalah raba mari mano luk maraaqa. Umaaneh abittoh sangeelak yen marih baati akkele.

Yasaqya 57:13

Catô-goranah deero abtoonu waytan saaku, ama yalla axcuk taqbuden duyye sin cattay! A duyye caacay duufut beele. Takkay immay reebuh yoo eleelite mari, xagana keenih akah cule baaxol gaceloonuuh, yi qaril yoo aqbudelon» 'yaanam iyyah yan.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Yacedkel 38:9

Koo kee ku qaskar kee, wohuk kalah, mango baaxok yemeete mari sin lih gacca 'yeh, caacoh innal, ken wararetton. Inkih tan baaxo qamburreh innah buuletton» iyye.