Yasaqya 24:18 - NABUWWA KEE MALIKWA

¹⁸ Cunxo sinaamat qidda xongoloh anay yoobbeh kudu waa mari boodot radele. Woo boodok yewqe num oflot radele. Macaay inteenik, qaran-afoofa fakkinteeh, qaraanak kaxxa rob rada. Baad-rakiibo tangayyeh tan.

Yasaqya 24:18 Referans Kwoze

Qaamus 5:19

Too ayro, naharak lubak afal gaceeh, lubaakak yisillimem yekkele waqdi, kabqih afal gaceeh; kabqik isillimeh ahaysa buxa wadbiteh iyye waqdi, qari afal sugte abeesa edde arte numih ceelallo siinit akkele.

2 Malikwa 7:2

Malik dacayrit yan num Eliisaqak iyyemii, «YALLI qaran afoofi fakka haamah, aham takkem hinna» iyye. Eliisaq kaal gacsemii, «Amaham akkih abletto'mmay woo maaqok tu matakma» iyye.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 2:21

YALLI baaxo yasgayye'gidih yamaatu waa saaku, ummatta kaa kee kay kaxxa nabnah meysih, gabla kee booriima le qaleelah bagut ambooqorelon.

Yasaqya 8:14

Yi *taahiriino siinih reebu akkele. Takkay immay Yuuda kee Israayil marah, xaay sahda adafa kinniyoh; ken yannikisse xaa kinniyo. Yarusalaam mari edde radu waa oflo kinniyo.

Yasaqya 13:13

Yoo YALLAY Nabaamak Nabahiyya bagcarritu waa saaku, qaran axaxiteleh, baaxo elle sugte aracak angayyele.

Yasaqya 42:22

Takkay immay a mari buubeeniih, buxa akak wararen mara. Boodot qideeniih, casbit daanisen maraay, ken waddam wee mara. Seewah ken been saaku, ‹Ken gacisa› inteh keenih yabtem matana.

Ermiyaas 48:43

Mooyab-maraw, ahak sarra cunxo siinit qidda bala siinit ruubeyyo. Edde raddoonu waytan boodo kee oflo ahak sarra siinih heeyyo.

Ermiyaas 48:44

A balak kudam faxa num yenek, boodot radele. Boodok waalih gacam faxa num yenek, kaadu ofloh addat radele. Tah dumaak ken elle digaala'gidih eyyeeqe gitaay; ta digaalak way macattiiman. Tahat yabtam yoo YALLA» iyye.

Yacedkel 11:8

Seefik meysittaana'mmay, seef le maray qeebi siinit abu waa siinit ruubeyyo.

Yacedkel 12:13

Anu too waqdi inni oflo qideyyooh, too oflot kaa abbixeyyo. Tokkeek Baabelon kaa beeloonuuh; tokkel elle yani'kke isik able'kal rabele.

Yacedkel 15:7

Naharsi girak yisillimeenih immay, away gersi girat cararelon. Anu ken digaala saaku, YALLA kinniyom yok aaxigetton.

Qaamus 5:18

Qaamus qagseh keenik iyyemii, «Isin YALLIH cokmih ayro qambaala maraw, woo ayro diteh tan ayro'kkal, meqe ayro hinnaay; woh abletton!