Yasaqya 24:16 - NABUWWA KEE MALIKWA

¹⁶ Baaxô-maggaraqak saareh-anay nel rada. «Qadaalat kee cakki le Dageltah fayla takkay» inta xongolo nel radah oobbe. Sarrak ganoleelay sinam gantahiyya uble. Too waqdi, «Woyyow yi nabsow, woyyow yi nabsow, unsumuumeh maana! Ganoleela uxih sinam gantah matanaa!» 'yaanam exce.

Yasaqya 24:16 Referans Kwoze

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Ermiyaas 5:11

Israayil kee Yuudah ummatta imaan yol mali. Tahat yabtam yoo YALLA» siinik iyye.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Ermiyaas 3:20

Takkay immay baqalal makte barrah innah dibuk yol maadinnitoonuy, yok kalah tanim taqbudeenim bahten. Tahat yabtam yoo YALLA kinni» iyye.

Cabakkuk 1:3

Edde an gadaamak tibba macah yok inta? Table umaanek abalih tibba mannal inta? Sinam dirkisaanam kee baatiy takkehiyya kulli'kkel able. Qeebi kee qaduwwi baaxo duudeh.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Hosiqa 6:7

«Adamak kaxxih a mari ken lih heeh suge bica yol makeh.

Hosiqa 5:7

Oson xalan xaylo ilmu kinnuk, YALLA lih luk sugen xagana makeenih. Tohih sabbatah ken kee oson elle sugen baaxo alsi-bilot bayele» iyye.

Ermiyaas 12:6

Ku tooboko kee ku buxah mari ku naqboytit lih gacca 'yeenih koo ganaanamih addat yaniiniih qeebi kot abaanam faxan. Tonna leemiik meqe yab ko'lih yaabaanamah ken maamanin» 'yaanam yok iyye.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Yasaqya 48:8

«Yaaminen mara hinnitoonum aaxigeh. Qunxaaneey akke qamalleela kinnitoonum aaxigeh. Aham akah aabbe wayteeniih xaagu akah gee wayteenim tohu» 'yaanam iyye.

Yasaqya 28:5

Too ayro, YALLAY Nabaamak Nabahiyya kay maray baatik saaboh raaqeh qaxa kee bilqaay nabna akkele.

Yasaqya 26:15

Ni baaxo kaxxa rasuh hayte; YALLAW, tet kaxxa rasuh hayte. Baaxo dumak baguh teymeggeh. YALLAW, atu litoh tan nabna, baadal doolatwa takkeemik, aaxaguk maacisele, YALLAW.

Yasaqya 17:4

YALLI iyyaamah, «Too ayro Israayil marih nabna gaba kalele. Xagar keenik boolatakaay qakkootak qakkootelon.

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 42:10

YALLA qusba faylah faylisa! Baadal yan maraw, fayla abaay YALLA saarisa. Badal safarat yan maraw, kaa saarisak candu kaah gacisa. Badak addal enna 'taamay rooci lehiyya candu YALLAH gacissay. Xer baaxo kee xer baaxoh maraw, YALLA faylisa.

Cabakkuk 1:13

YALLAW, ku inti taahirik tan inti kinnuk, umam tablem maqansissa. Umaane aba mara xiqa Dagelta hinnito. Hay ta uma-qamal-leela abta umaane mannal qansissa? Keenik fula cakki gital yan mara baysah ken table waqdi, tibba mannal inta?

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.