Yasaqya 23:3 - NABUWWA KEE MALIKWA

³ Masrik orobta tellemmô-daro Suur magaala amaatuk sugteeh; baadal tan ummat duyye elle yaylammeeniih xaamaanam ta magaalak sugte.

Yasaqya 23:3 Referans Kwoze

Ermiyaas 2:18

Taway Masri fan gexxaanam maca siinih xiqelem siinit celta? Masri mara lih bica akah abteenim, Niil weeqaytuk taaqubeeni'gidi maay kinni? Assuuriyah rasu akah gexxaanam faxxaanam macaay? Assuuriyah mara lih bica akah abteenim, Furaat weeqaytih lee taaqubeeni'gidi maay kinni? Toh kaadu siinih xiqtam mali.

1 Aydaad 13:5

Tohuk wadir Dawud Israayil ummatak, Masri cuduuduk gabbi-qaxat raaqa aracak, Camat deqsita daabay kilbat le kabut raqtahiyyah amma 'yaanam tan dabaaqah yan marak, «Gaaboowa» 'yaanamih seeco abe. Too seeco keenih akah abem, Yallih-Qahdi edde yan Sandug Kiryat-Yaqaarim magaalak Yarusalaam fan baahaana'gidik ten.

Ayyuqel 3:5

Yi dahab kee lakqo kee limo gibdi duyye beyya hayteenih isinni qibaadah qarwah addal hayten.

Yacedkel 28:4

Litoh tan kas kee ixxigat mango dahab kee lakqo kobxisitte.

Yacedkel 27:33

Ku badaaqat badak yamaate saaku, kulli mara faxan duyyek cayisak ten. Ku badaaqatat geyan duyyet mango malikwa gaddalitte.

Yasaqya 32:20

tohuh isin, isinni baaxol niqmatat gacetton. Leek garil qidinnaan daro siinih aabukeleeh; laa kee danoona maatah gaceleeh aloolele.

Yasaqya 23:8

Suur inaytâ-magaalay malikwa akak temeetehiyyak ten. Teetil tellemmo abak ten muddaqiyitte baadal migaq-gexxo le marak ten. «Annah tanim teetil bahtem iyyaay?» innek,

Yasaqya 19:7

Niil weeqaytih dariifal tooboke daro laqaymumteh kaffa 'teh baaxot radele. Coox edde yuysubuken siisa caacot gexele.