Yasaqya 23:2 - NABUWWA KEE MALIKWA

² Baddi-afal yan maraw, tibba 'xicay rookitaay arkita. Saydâ-maray badat gaddalite mango duyye sin fan baahak suge.

Yasaqya 23:2 Referans Kwoze

Yasaqya 47:5

YALLI Baabelon marak iyyemii: «Tibba inxicay dite le aracat ombooqora. Baabelon mari doolatwa abbobtih yanin 'yaanam ahaysa siinik m'iyyan.

Cabakkuk 2:20

YALLAH tu gactek, elle yanim taahirik yan qariy qaraanal yani. Addunyal enna 'ya mari kay foocal tibbi iyyoonay.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yasaqya 41:1

Yalli iyyaamah: «Isin xer baaxol yan maraw, tibba 'xicay yoo fan ama. Baadal tan ummatey, qusba qande haysita. Cokmi-buxal yaabittaanamih nasiib alletton. Gital nek yan num nable'gidih, fooca kee foocah cokmi-buxal nangooroway.

Yacedkel 28:21

«Bani-adantow Saydat takku waytaamat yab.