Yasaqya 23:18 - NABUWWA KEE MALIKWA

¹⁸ Tohuh tellemmot geyta maksab yenek, taamat geyta lakqo tenek, magaadanat madaanisaanay; YALLIH taamat assa'gidih, YALLA-yaqbude-marih meqe maaqo kee meqe sartan edde xaamelon.

Yasaqya 23:18 Referans Kwoze

Malaaki 3:10

Away yi Qibaadah-Qaril niqmat akah yamagge innah, dakaatak tu cabe'kal baahaay, Qibaadâ-Qaril hayisa. Too duyye Qibaadâ-Qari bahteenik, qaran afoofi fakka heeh, amqinnaan niqmatay qadad sinni siinih ruubeyyom able liton. Toh siinik intam yoo YALLAY Nabaamak Nabahiyya.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Yacedkel 26:12

Baaxol luk sugten gaddaliino kee tellemmô duyye siinik beelon. Magaalat maroh tan gasoosa siinik bututtukku heelon. Kaxxa qarwa siinik aggilelon. Woo qarwa edde xisseenih sugten xeet kee cooxuuy raqqa 'te duyye inkih badat qidelon.

Zakariyya 14:14

Yuudâ mari, Yarusalaam marat qeebi aba marat qeebi abelon. Keenik dariifal tan ummat luk sugga 'te duyye keenik buubeloonuuh; mango dahab kee lakqo kee sartan keenik beelon.