Yasaqya 22:6 - NABUWWA KEE MALIKWA

⁶ Qeelam-rasih-qaskar, faras amol anuk, gayse kee gaysê-baxa luk tamaateeh, faaris-gaariira luk tamaate. Kiir qaskar gooba luk tamaate.

Yasaqya 22:6 Referans Kwoze

2 Malikwa 16:9

Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

Qaamus 1:5

Damaskoh magaala akak culan gasoh afoofi aggiggileyyo. Awen Golo deqsitta'kkel dabaaqah yan mara bayseyyo. Beet-Qadan xiinisa abba kaadu bayseyyo. Suuriyah mara Kiir rasu seewah beelon› iyya» 'yaanam iyye.

Yasaqya 15:1

Mooyab marih giddinaamak ruuben farmo ah teeti. Qaar kee Kiir magaalooli inki barih addat baateh! Too magaaloolil kaxxa haan yekke.

Yasaqya 22:7

Yuudâ-baaxoy niqmatak tanihiyya too naqboytit le faaris-gaariirak temeggeeh, faaris amot tan qaskar Yarusalaam magaalah culmah afal soolan.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.