Yasaqya 22:13 - NABUWWA KEE MALIKWA

¹³ Siinih tu gactekii, Yalli siinik aba iyyem cabba hayteenih digir kee farcit culten. Laa kee illi usgudda hayteenih cado akak tokmen. Qinabak bicissen kamrih maqabat gacten. «Beeraak rabennok, a saaku nakamay naaqubay» inten.

Yasaqya 22:13 Referans Kwoze

Yasaqya 56:12

Iyyaanamah, «Ama qinabak bicsen kamri neh baahaay, dudnah gide akak naaqubay. Beeri kaadu a saakih innah maacise kee ayse akkelek» iyyan.

Yasaqya 5:22

Qinab kamrih agiiray! Yesgellen kamrih maqabah sin aleltam matana'mmay, woyyow, siinit takku waytaamow!

Yasaqya 5:12

Qaffaydah digirtan saaku, *kiraraay karambo kee fooxima fooxissaanaah, qinabak bicsen kamri taaqubeenih. Takkay immay YALLIH taamat baaqid mantoonuy, YALLI abam mataaxigan.

Yasaqya 5:11

Kamrih-maqabah dibroh ugtaah inkih yan carra askiruk kassoowa maraw, woyyow, siinit takku waytaamow!

Yasaqya 26:10

Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.

Yasaqya 29:1

Yarusalaam-magaalay, kum tekkeh tan! Dawud dabqah elle sugeeh, Yallih sadgat elle aben mansaf elle yan magaalay, sanatat sanat osisaay, abtan qiidittek maadiyina'mmay,

Yasaqya 47:8

«Hay, tut-baaqid-maleelay tut-carra-maleelay, siinih warisu waak, yok ankacisa. Isin, buxal farcatat yaniih ‹Tu nee maxagta› iyya maraw, ‹Nanu nanih; nek sa tu matan› bagul intaanaah ‹Baqolti nek marabta; xaylo nek qunxih macabaaritta› intan.

Yasaqya 58:3

Yok iyyaanamah, ‹Nek able waytek, macâ-sabbatah soomnaah? Atu baaqid net alle waytek, maca koh rammitnaa?› 'yaanam iyyan. Takkay immay anu keenik axceemih, ‹Soom abtan saaku, isin kaadu isinnih faxxeenim abtaanaah, siinih taamita marah cakki matacaan.

Yacedkel 16:49

Tet kee tet xaylo ken dudda maaqo geyyaay amaanah gacca iyyen waqdi, kaxxa kaxxiina xagarat keenik gacte. Takkay immay masaakiina kee tu sinni marah cato abak masuginnon.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.