Yasaqya 21:16 - NABUWWA KEE MALIKWA

¹⁶ Macaay inteenik, YALLI yok iyyemii, «Keedar deqsita kedo a saaku le nabna sanat addat gaba kalele.

Yasaqya 21:16 Referans Kwoze

Yasaqya 60:7

Keedar kee Nebayot mari illik elli haam sadgatah ku fan baahelon. Yoo ruffu haana'gidih, sadgatah asguudeloonuh; anu too sadgat keenik oggoleyyo. Tonnal yi qariy bilqa lehiyya qax-meqe bilqak kibeyyo.

Yasaqya 16:14

Awayah tu gactek, YALLI iyyaamah, «Mooyab marih kaxxa nabna hununuh sidiica sanatih addat bayele. Mooyab maray manguk yenehiyyak dago mari raaqeleeh; woo mari boola le mara akkele» 'yaanam iyyah yan.

Yacedkel 27:21

Qarab kee Keedar rasih marak saqoltih yan mari, atu tellemmoh keenit kalta duyyet milaaguh, anaaqe kee marwa kee wadar edde acayuk sugen.

Ermiyaas 49:28

YALLI kaadu Keedar deqsitta kedo kee, Caxor deqsita numih milkih ten baaxooxay Malik Nabkadnessar qeebit yibbixehiyyah giddinaamak iyyeemih, «Keedarah yooboke marat qeebi abaay, ayrô-mawqa le kabut raaqa mara sela.

Yasaqya 42:11

Bacari kee bacarih tan baaxol tan magaaloolih maraw, YALLA faylisa. Keedarah yooboke mari YALLA faylisaama. Silaq deqsitta magaalal yan mari qililisak kaa faylisay; qaleelah amol gacca 'yeenih kaa faylisoonay.

1 Aydaad 1:29

Ismaaqil xale lab-xaylo ah keeniiy: Nebaayotuy Ismaaqilik naharsi-baxah yene kee, Keedaraay Adbeeliiy Mibsamaay

Ermiyaas 2:10

Ayrô-culmal yan Kobros deqsita rasu fan gexay; ayrô-mawqal tan Keedar deqsitta baaxo fan gexa. Wokkel yan mari abam abletton. Too mari isin abteenih taniinim abeh masuga.