Yasaqya 20:6 - NABUWWA KEE MALIKWA

⁶ Too saaku Filistiin baaxoh badih dariifal yan mari iyyu waamah, ‹Assuuriyah malikik nee cateloonu inneh kibaal elle hayneh sugne marat tekkem wagitay. Hay, tahaysa anke kudnah nan!› axcelon» iyye.

Yasaqya 20:6 Referans Kwoze

Ermiyaas 47:4

Macaay inteenik, Filistiin baaxo edde baatu wayta wakti xayih; Suur kee Sayda magaalal yan marih catoh amaate raare mara edde baysoonu waan wakti xayih. YALLI Filistiin mara edde baysam faxa wakti xayih. Too maray duma baddi afak Kireet deqsita aracak yemeetehiyya baysam faxa.

Yasaqya 28:17

A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Ermiyaas 4:30

Yarusalaamey, baati koo tibbixek, sugay abtam macaay? Qax-meqe sartanat macah gacta? Dahabak bicsen bila xagarat bilqah macah hayta? Intil kucul macah isik hayta? Foyyah bilqitta'kkal, koo kicinuk suge mari kok cayyeh. A saaku koo qidaanam faxan.

Ermiyaas 30:1

YALLI Ermiyaasal oobise qangara ah teeti.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.