Yasaqya 2:11 - NABUWWA KEE MALIKWA

¹¹ Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

Yasaqya 2:11 Referans Kwoze

Yasaqya 2:17

Sahdayti kaxxiina kee anaani gaba kaleleeh; Yallih aftok aqbuduk sugen xeet kee coox bayele. Too ayro nabna luk raqtu waytam, dibuk YALLA.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Yasaqya 24:21

Too ayro YALLI qaraanal taniimiy cayla lehiyya qaraanal digaalele. Baaxô-bagul tan amoytitte kaadu digaalele.

Yasaqya 13:11

Yalli annah iyye. «Ken umaaneh sabbatah, baadal bala oobiseyyooh; umaanet asa mara ken umaanek gexxaamah digaaleyyo. Kaxxam isit yakkale mara ayqunxeeyyo; racmatta-maleelay anaani lehiyya ramma heeyyo.

Yasaqya 12:4

Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

Miika 4:6

YALLI iyyeemih «Anu digaale maray fixiixit yaniih ceyah addat yanihiyya, edde gaaboysu waa ayro amaatele.

Hosiqa 2:18

«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo.

Yacedkel 39:22

Israayil mari tohuk wadir YALLAY ken Dagelta kinniyom yok aaxaguk raaqele.

Zakariyya 9:16

Illi dacrisa loyni saq alak elle cata innal, YALLAY ken Dageltah yani isi mara isih iyye ayro wonnal catele. Kay mari kay baaxol jawharatak bicsen kalabtah innah ifele.

Xafanya 3:16

Too ayro tamaatu wayta way Siyon qalel tan magaalay, «*Yarsalaamey, mameysitin; niya isik margaqin» axcuk, teetih aytikuma aceelon.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Miika 5:10

YALLI iyyeemih, «Too ayro faaris siinik beeyyooh, faaris-gaariira kaadu siinik bayseyyo.

Qobadya 1:8

Edomuh yooboke mara digaalu waa saaku, kas le mara keenik selli heeyyo. Luk sugen kas ken waysiiseyyo.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Hosiqa 2:21

«Yi mari yot aban kallaci keenik oggoleyyo. Rob keenih baaheyyo. Baaxol daro kee qinab xaylo kee *daytuun keenih aysubukeyyo. Yidraqel-Daqarih xaqul daro kee coox aysubukeyyo.

Hosiqa 2:16

Tohuk wadir ‹Yi Baqalaw› yok axcele ikkal, Baqal deqsitta duyyek elle inte'nnal, ‹Yi Wannaw› yok m'inta.

Yacedkel 39:11

«Toh inkih takku wayta saaku, Rabe Bad deqsita badak ayrô-mawqa le kabut raqta Safarah Gacan-Golo deqsitta goloh addal, Goog elle yaaguqeeni'gidih, arac aceeyyo. Goog kee kay qaskar too aracal aaguqeloonuuh; tohuk lakal sinam tokke safarah magacan. Too arac Goog le Mango Qaskarih Golo deqsitele.

Yacedkel 38:19

Too saaku Israayil rasul ibak gibdi baaxoh angoyyi akkelem inni bagcarray gibdihiyyah addat aybeleeleqeyyo.

Yacedkel 38:14

Tohuk gexxaamah Yalli Goog warisu waa farmo yol ruube. Yok iyyeemih, «Yi Israayilih ummat amaanah elle xinta ikkel,

Ermiyaas 9:24

Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Yasaqya 52:6

Tonna'mmay yamaatu waa dabaanal yi mari anu Yalla kinniyom aaxigeleeh; too ayro, ‹Wagitey ah yoo› intam yoo kinnim aaxigelon» iyyah yan.

Yasaqya 37:23

Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Yasaqya 30:23

YALLI rob siinih ruubeleeh; buqre elle abinnaan ikkel, qidinnaan daro siinih aabukele. Mango daro orbisetton. Laahi siinik mango qayso geeleeh amaanah aloolele.

Yasaqya 29:18

Too ayro, kitab addal tanim ayti-mali aabbele. Inti-mali kaxxa diteh addak awqele; inti geele.

Yasaqya 28:5

Too ayro, YALLAY Nabaamak Nabahiyya kay maray baatik saaboh raaqeh qaxa kee bilqaay nabna akkele.

Yasaqya 26:1

Too saaku Yuudâ-rasul qadar abelon. Qadarah iyyoonu waanamaa, «Ni magaala qandeey maqar le; Yalli isih maro teetit heeh yan; tet wada'gidih maro edde hee; is Yallih dacayri geyteh tan.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 4:1

Woh takku wayta ayro malcina barra inki numuk gaba xabba hayteh, «Maaqo kee sartanak ninni duudennooh, kot fanxam mannuk, baqala loonuh neh iyyaana'gidiiy qaybik cattinna'gidih nee abit» kaak axcelon.

2 Samuwel 22:28

Kaxxiinita mara, ramma hayta'gidih wagga hayta, YALLAW. Is rammisa marak rooci waddah, Yallaw.

Yasaqya 23:9

ta magaalal tah oobissem, YALLAY Nabaamak Nabahiyya kinni. Akah abem, teetiy sahda elle kaxxiinitak sugte bayisa'gidiiy; baadal migaq-gexxo le mara inkih wacarroysa'gidih abe.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Miika 2:3

Tohuk gexxaamah YALLI iyyeemih: «Anu too maral bala ruubam faxa. Anu ruubu waa balak num siinik macattiima. Kaxxa gadaamah gadaamitetton. Tahaysa kaxxiinah amo qaraanal haak magexxan.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 14:15

toh makkinnay akeerak iqiyal rabe mara lih gacte.

Yasaqya 40:23

Cayla-leelah tan abbobtik, cayla beyah, ken cabsiisah; keenik beyah, foyyal caba. Baadal amri tecee abbobti finqah ruubah, foyyal caba.

Ermiyaas 12:9

Yi maray anu dooritehiyya, kimbiiriy qawi kulli kabuk maraasiytehiyya yekken. Alluwwa ken takme'gidih akah seeca.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.