Yasaqya 19:16 - NABUWWA KEE MALIKWA

¹⁶ Too ayro, Masri mari agbi innah gilic leela akkele. YALLAY Nabaamak Nabahiyya ken digaala'gidih gaba fakem yabloonu waan waqdi, cunxitelon.

Yasaqya 19:16 Referans Kwoze

Naacum 3:13

Assuuriyah qaskar meysih agabu akkele. Cuduud dacrissa qaskar matanaay; naqboytit akak elle waasinta innal matan. Koositih bicsiten aroocat gira gexele.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Ermiyaas 50:37

Oson edde gexan faaris kee faras-gaari selaanama! Marin baaxok qeebih baahen qaskar keenik baysaanama! Too qaskar qeebih gaba marubtaay, agbi innah amuggurelon. Ken gadda selaanama! Luk sugeenim keenik beelon.

Yasaqya 11:15

YALLI, Qasa badih exxay Masrit xayihiyya bayseleeh; Furaat weeqaytu kafsa'gidih laqin caacay ruubele. Ummatta ibah akak tabta'gidih kaxxam qunxaamak malcina buyyi raaqele.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.

Yasaqya 10:32

A saaku naqboyti elle anfiddigelem, Noob magaala. Tokkeek Siyon-qaley Yarusalaam magaalal tanihiyyal meysissoh feera ascasselon.

Yasaqya 30:17

Keenik inki qaskariiti siinik alfi num ayraddele. Keenik koona qaskariiti, takkeenimik sin ayraddele. Qaleh amol takarten sinbiilik sah, qaskarak tu siinih maraqta.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Qobadya 1:9

Teman deqsitta magaalal keenik tan qaskarat warigga qideyyo. Tonna-leemiik Edomuh ubukka 'te qaskar bayelon. Tahat yabtam yoo YALLA.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.

Zakariyya 10:11

Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.