Yasaqya 19:14 - NABUWWA KEE MALIKWA

¹⁴ YALLAY Nabaamak Nabahiyya sahda badsa fayu yecee mara ken abe. Tohuk gexxaamah Masri mari baditit yaniih, yiskire numuy isi alliyoh bagul xiinah innah lagaq iyyen.

Yasaqya 19:14 Referans Kwoze

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Yasaqya 29:14

Tohuk gexxaamah anu ta maral ablewaynuh taniimiy kaxxa cunxoh akak cunxutoonu waanahiyya baaheyyo. Oson kasloytiitih lon marih kas foyya abeyyo. Ken maray bagi cubbi luk yenek woo cubbi foyya abeyyo» iyye.

Yasaqya 19:2

YALLI iyyaamah, «Masri addal sahda kee sahda qeebih tittat ruubeyyooh; toobokoyta kee toobokoytaay, cuggaane kee cuggaane qeebih tittat ruubeyyo. Namma magaalah mara qaduwwih tittin amot heeyyo. Doolatwa tittat ruubeyyo.

Makaabon 9:23

Tohuk lakal Yalli, Abimalik kee Seekem marih fanat tittin way ruubeeh; tohuk gexxaamah kaat makoyteenih.

2 Aydaad 18:22

Miikayhu ellecabol yaabak af edde cabeemii, «Taway tekkem tamaha. Ku nabuwwa diraabat yaabiseh; koh tu gactek, YALLI kol oobisu waa bala kol yuckumeh» kaak iyye.

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Yasaqya 9:16

A ummatta miraacisa mari ken edde beyaanam, gita maliinooy; ken edde yabbixeenim, badambadisiyya.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.