Yasaqya 19:11 - NABUWWA KEE MALIKWA

¹¹ Xooqan magaalal yan doolat mari duquura. Masri-malikih fayu yecee marak kaxxa-mari tu xiqe sinni *fayu kaat aba. Masri malikik, «Nanu dumî-dabaanal Masril sugte ixxiga leela kee malikwah arac raaqise mara kinnino» iyyoonu anni'nnal yaaxigen!

Yasaqya 19:11 Referans Kwoze

Yasaqya 30:4

Xintoh-abbobti Xooqanal loonuh, farmoh afat ruuben mari Caanis deqsitta magaala gufeenim aaxigeh immay,

1 Malikwa 4:30

Suleeman kulli numuk kasah aysuk yen. Ayrô-mawqat raaqa mara kee Masri mara tekkek, tikki 'ta ummattak inkih kasah aysuk yen. Etan deqsita numuy Qedra deqsita gulubuh yoobokehiyyak kasah aysuk yen. Macol deqsita numih xayloy migaaqah Heeman kee Kalkol kee Dardaq akak axcuk yeneenihiyyak kasah aysuk yen. Woo deraafil enna 'ta baaxooxal kas kee migaq-gexxo le malikik yen.

Yacedkel 30:14

Fatros deqsita aracay gabbi-qaxat raaqahiyya foyya abeyyo. Xooqan magaalay kilbat le kabut raqtahiyyat gira ruubeyyo. Teebes magaalal cokmih digaala ruubeyyo.

Yacedkel 7:26

Balak-bala sin ciggiilele. Naharak toobben xaaguk gaca xaagu sarrak aabbetton. Sarra takku waytam neh warisa axcuk nabuwwat kallacsimetton. Seeka ummatah-warissam mageytaay; idoola ummatak-fayuh-intam mageyta.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

Ermiyaas 10:21

Too waqdi anu keenik excemii, «Nek saqoltih yan mari xangi-maleela kinnon. YALLAK, ‹YALLAW gita atu nee uybulluy› maxaccinnon. Ni marat ah akah tekkeeh, fixix ken akah yibbixem tohu.

Ermiyaas 10:14

Tah inkih abalih, sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna. Ta duyye deedala'kkalah, tu xiqtam hinnaay tanim hinna; Yallih digaala tamaate saaku, baatu wayta duyye.

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Yasaqya 29:14

Tohuk gexxaamah anu ta maral ablewaynuh taniimiy kaxxa cunxoh akak cunxutoonu waanahiyya baaheyyo. Oson kasloytiitih lon marih kas foyya abeyyo. Ken maray bagi cubbi luk yenek woo cubbi foyya abeyyo» iyye.

Yasaqya 19:13

Xooqan kee Mooful tan abbobti, duquurusen duquura. Sinam baaxo miraacisu waa mara ken tekkeleh sugte. Takkay immay oson too baaxoh mara makot been.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Ermiyaas 8:9

Isin kasloytiitih liton mari qaybit radele. Badit ken abbixeleeh, oflot radelon. Yi qangara cineenim ablehik; amol akak yaniinim, manni'nnah yan kasaay?

Ermiyaas 46:17

Masri malik kaxxa yabliiy hida luk suge'mmay, migaq isik yoysommeh, kaak axcelon.

Yacedkel 28:17

Litoh tan qax-maqaane kaxxiina koo bahsisseeh, migaq-gexxoy luk sugte hawri koo cabsisseh. Tohuk gexxaamah xabba koo heeh, baaxot koo qide. Kot tekkem tuble malikwa, tah net akkeleh, axcuk, akah meysitta 'ta digaalah koo digaale.

Qobadya 1:7

Wakalih luk sugten mari sin makele. Too mari qeebi siinit abeloonuuh, qeebil siinik ayselon. Sarrak baaxok sin ayyaaqelon. Qalla sin lih luk yen mari wadir sin ganele. «Oson luk sugen kas anke keenik gexee?» siinik axcelon.

1 Malikwa 5:10

Tonnal Curam, sariida kee gersi cooxuk faxak suge gideh Suleemanah ruube.

Qobadya 1:8

Edomuh yooboke mara digaalu waa saaku, kas le mara keenik selli heeyyo. Luk sugen kas ken waysiiseyyo.