Yasaqya 17:9 - NABUWWA KEE MALIKWA

⁹ Too ayro ken magaalooliy meqe innah gaso maroh edde heenihiyya, duma elle suge marih magaalooliy Israayil marak kuden waqdi garbo tekkehiyyah innah, foyya akkeleeh abuuruh raaqele.

Yasaqya 17:9 Referans Kwoze

Yasaqya 27:10

Maroh gaso edde tan magaala hunah raaqele; dibu akkele. Num sinniih dibuk yan bacari akkeleeh, abuuruh raaqele. Laahi dabqih elle gacele; noktimah tokke haysitele. Qayso noktimal aloolele; noktimal coox ludwak yaloole.

Miika 7:13

Takkay immay too baaxooxa, teetil suge marih uma-taamak gexxaamah, bacari akkele.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.

Miika 5:11

Magaalooli siinik bayseyyo. Isin naqboyti culaamak hayten koosit inkih foyya abeyyo.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Hosiqa 10:14

Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Yasaqya 17:8

Isinni gabak bicsen aroocay sadgat elle abaanahiyyal kibaal haak maraaqan. Tonnah kaadu Aseera deqsittaamay yaqbudeenihiyyah astah heenih sugen gurumuuda kee, qaydarus elle qeerisan aroocal kibaal haak maraaqan.

Yasaqya 17:10

Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.