Yasaqya 16:4 - NABUWWA KEE MALIKWA

⁴ Ku baaxol nanay nee inxicaay, nee bayisam faxa marak nee cata» axcelon. Xukko kee baati gaba kaleleeh; baaxooxa baysa mari baaxo cabele.

Yasaqya 16:4 Referans Kwoze

Yasaqya 14:4

YALLI toh siinih abu waa waqdi, Baabelon baaxoh malik missilah haysittoonuuh, intoonu waytaanamah, «Racmatta sinni malik yinnikisseeh, ahaysa sahdat maxukkuta.

Malaaki 4:3

Too ayroy anu gaba qidu waahiyya, umeynit gombod innah, kabel gubah gacissa haak, keenit aaqitetton. Tah intam yoo YALLAY Nabaamak Nabahiyya.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Zakariyya 10:5

Yoo wakalih loonumih sabbatah, Yuudâ-mari qeebil agiiray naqboytit kallat tayborooroke akkelon. Faaris amok qeebi abta labhak kinni way qeebil ayselon.

Ermiyaas 48:18

«Mooyab rasu bayisu waa num yemeeteh yan. Gaso maroh edde tan magaalooli bayse. Tonna kinnuk Diboonul yan maraw, ama elle tanton kaxxa aracak ugutay. Annah amay guddaafak bagul daffeya.

Ermiyaas 48:8

A naqboytit baahu waa baatik tu maraqta. Magaalooli inkih bayselon. Goloh addal tanim bayselon; gubbil tanim macabaanay bayselon. Tahat yabtam yoo YALLA» 'yaanam iyye.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 25:10

Macaay inteenik, YALLI Siyon-Qale amaanah xiinisele. Takkay immay Mooyab marat laahi robbi addat suge caffat akah yaaqiten innah aaqitelon.

Yasaqya 15:6

Nimrim garil yen buyyi kafeeh, woo buyyih xaqul toobokeh sugte qayso laqaymumteeh anxaxinimik tu maraaqinna.

Zakariyya 9:8

Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yasaqya 58:7

Takmen maaqo qulula mara lih haysita. Qari sinni marah isinni qarih afa faka. Sartanah xagarat haam sinni marah sartan acuya; mare siinih le maral litoonum macinina.

Ermiyaas 40:11

Sarrak Yuudah-ummatay Mooyab kee Qammon kee Edom kee, wohuk kalah tan baaxol sugga 'tehiyya inkih, Baabelon-malik Yuudâ-rasul ummatak tu takkem cabeeh; too marak abbah Acikám-Gedalya keenik heeh cabe 'yaanam yoobben waqdi,

Qobadya 1:14

Giti addal gacca 'teenih, Yuudâ-maray yasillime faxa, asillime ken kaltaanam sin ceelak mananna. Oson gadaamitaanam tableeniih wadir naqboytit gabal ken haytaanam sin ceelak mananna.