Yasaqya 16:10 - NABUWWA KEE MALIKWA

¹⁰ Mangom elle aabakuk ten baaxoh mari ruffa lem mali. Qinab elle aabakuk yen baaxoh mari gad abtam mali. Kamri akak bicsoonuh edde yaaqiten qinab mayana. Anu, oson wallitak abak yenen waxxaqto tibba hee.

Yasaqya 16:10 Referans Kwoze

Ermiyaas 48:33

Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Qaamus 5:17

Qinab elle aysubukuk yenen baaxol ummat weeqat sugele. Ah siinit akah takkem, anu sin digaala'gidih sin adda gace waqdi. Toh intem YALLA» keenik iyye.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Makaabon 9:27

Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.

Xafanya 1:13

Luk suggu 'yen gaddaliino keenik buubelon; buxaaxi keenik bayselon. Xissiten qarwat magacan. Yubquren qinabih kamri mayaaquban» 'yaanam iyye.

Yasaqya 32:10

A saaku cayit taniinim siinik ableh immay, sanat kee abxa gufe'kal gadaama sin abbixele. Qinab coox xaylo maxala. Kudaar morbissan.

Yasaqya 24:11

Qinab kamrih waytih ummat «Woyyow» axcele. Duma akkuk yen farcat amurruqele. Farcat kee ruffa ahaysa addunyal gaba kalele.

Ayyuqel 1:12

Qinab xala cooxuuy sublâ-coox kee rummaanat xala coox laqaymuumeh. Tamira xalak ten nakliita laqaymumte. Yakmen xaylo xala coox kee garbol yan coox inkih laqaymumma 'yeh kafe. Tohuk gexxaamah ummat abak sugte farcat gadaamat cabe.

Qaamus 9:13

YALLI kaadu iyyamaa: «Daro toobokem kee orobtem inki adda edde takku wayta wakti amaatele. Qinab xala coox mango qinab xaleleeh; woo qinabak kamri ummaan way edde bicissu wayta wakti amaatele. Qaleelak salfa le qinab-kamri tif axcele. Koomaami qinab-kamri darah innah caxitele.

Yacedkel 7:7

A baaxol yan maraw, sinim tekkeh! Ahaysa qaleh amol yan makaamah abak tenen sadgat kee qiid siinik raaqeleeh; abtaanah absissaanam waagissa heetton.