Yasaqya 16:1 - NABUWWA KEE MALIKWA

¹ Silaq deqsitta magaalak, bacarih tan baaxo tabak, acwah anaaqe gabat luk, farmô-mara Yarusalaam magaalal xintoh abbah yan numuh rubnam meqe.

Yasaqya 16:1 Referans Kwoze

Yasaqya 10:32

A saaku naqboyti elle anfiddigelem, Noob magaala. Tokkeek Siyon-qaley Yarusalaam magaalal tanihiyyal meysissoh feera ascasselon.

2 Malikwa 3:4

Mooyab-rasih malikih yen Malik-Meesaq illi yeyderreh yeneeh; Israayil-malikih-gabbarah illi xaylok kulli sanatal bool alfih gide takkem acayuk yen. Kalah kaadu, bool alfi yakke marwah xagor kaah acayuk yen.

2 Malikwa 14:7

Amaxya Edomuh yooboke marak tabna alfi qaskariita Qasbo-le-Golo deqsitta golol qide. Silaq deqsitta magaala qeebit yibbixeeh; Yoktaqel 'yaanam migaaqah teetik iyye. Ta saaku fan too migaaqal tet yaaxigen.

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

Yasaqya 42:11

Bacari kee bacarih tan baaxol tan magaaloolih maraw, YALLA faylisa. Keedarah yooboke mari YALLA faylisaama. Silaq deqsitta magaalal yan mari qililisak kaa faylisay; qaleelah amol gacca 'yeenih kaa faylisoonay.

Qedra 7:17

«Tama lakqo anu axceemik tu cabe'kah edde duudus. Awurwa kee marwaay anaaqe kee, too saqa lih sadgatah yeceen daro kee qinabak bicsen kamri edde xaamma haay, Yalla kinni sin Dageltih Qibaadah Qariy Yarusalaamal xissiimehiyyak sadgat elle aban aracal sadgatah ucuya.

Miika 4:8

Siyon-qaley, duma akah sugte'nnal, yi marah reebu akkettooh; Yarusalaam dumaak akah sugte baaxok inaytâ-magaala akkele» iyye.

Yacedkel 45:16

«Baaxol enna 'ta Israayil-ummat, ta sadgat, abbah yan numul baahoonay.