Yasaqya 14:7 - NABUWWA KEE MALIKWA

⁷ Taway ellecabol sahda inkih toffoofeeh ruffu 'teeh amaan geyteh. Kulli num ruffu 'yeeh gad abe.

Yasaqya 14:7 Referans Kwoze

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Ermiyaas 51:48

Qaran kee baaxo kee baaxoh addal tanim inkih, kilbat le kabuuk bayisak yamaate num Baabeloonut qeebi abah yablen waqdi, kaxxa ruftoh ruffa axcelon.

Zakariyya 1:11

Too faroosah amot yan mari, YALLIH malaykattuy cebak-cooxih fanak soolah yanik inteemih, «Addunya fanah genxeh nubleeh; inkih yan baadal ummat amaanah xiinan» iyyen.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yacedkel 35:14

«Tonna-leemiik yoo YALLAY Mulki lehiyya siinik axceemih, isin Israayil maray yok sah numtin mara akke waahiyyat kaxxa baati tekke saaku, farcatah akah gacca 'ten innah, anu kaadu inkih yan baad akah ifricca 'ya baati siinit abeyyo. Seeqir qaleela kee inkih yan Edom rasu num sinniih lac sinni bacarih tan baaxo abeyyo. Anu YALLA kinniyom too saaku kulli num aaxigele» iyye.